ദുബായ്•വ്യാഴാഴ്ച രാവിലെ നടന്ന ഷെയ്ഖ് മുഹമ്മദ് ബിൻ സായിദ് റോഡിൽ ഉണ്ടായ അപകടത്തിൽ രണ്ട് പേർ കൊല്ലപ്പെടുകയും നാല് പേർക്ക് ഗുരുതരമായി പരിക്കേൽക്കുകയും ചെയ്തു.
പുലർച്ചെ 5.30 ഓടെ പിക്ക് അപ്പ് വാഹനവും ട്രക്കും തമ്മില്‍ കൂട്ടിയിടിച്ചാണ് അപകടമുണ്ടായതെന്ന് ദുബായ് പോലീസിന്റെ ട്രാഫിക് വകുപ്പ് ഡയറക്ടർ ജനറൽ ബ്രിഗേഡിയർ സെയ്ഫ് മുഹൈർ അൽ മസ്രൂയി പറഞ്ഞു.
ടയർ പൊട്ടിത്തെറിച്ച് റോഡിന്റെ രണ്ടാം പാതയിൽ നിർത്തിയ വലിയ ട്രക്കില്‍ പിക്കപ്പ് പാഞ്ഞുകയറുകയായിരുന്നു.
കൃത്യസമയത്ത് ട്രക്ക് ശ്രദ്ധിക്കുന്നതിൽ പിക്ക്അപ്പിന്റെ ഡ്രൈവർ പരാജയപ്പെടുകയും പിന്നിൽ നിന്ന് ഇടിക്കുകയും ചെയ്തു.
മരിച്ചവരുടെ മൃതദേഹങ്ങൾ മോര്‍ച്ചറിയിലേക്ക് മാറ്റി, പരിക്കേറ്റവരെ അടുത്തുള്ള ആശുപത്രിയിലേക്ക് മാറ്റി.
എല്ലാ ഡ്രൈവർമാരും അവരുടെ സുരക്ഷയ്ക്കും മറ്റുള്ളവരുടെ സുരക്ഷയ്ക്കും ട്രാഫിക് നിയമങ്ങളും നിയന്ത്രണങ്ങളും കർശനമായി പാലിക്കണമെന്ന് ദുബായ് പോലീസ് ആവശ്യപ്പെട്ടു.
Post Your Comments