ബാഗ്‌ദാദിൽ രണ്ടിടത്ത് വ്യോമാക്രമണമുണ്ടായതായി റിപ്പോർട്ട്

ഇറാക്ക് : ബാഗ്‌ദാദിൽ രണ്ടിടത്ത് വ്യോമാക്രമണമുണ്ടായി. യുഎസ് എംബസിക്ക് നേരെ മിസൈൽ ആ​ക്ര​മ​ണമുണ്ടായെന്നാണ് റിപ്പോർട്ട്. ര​ണ്ട് മി​സൈ​ലു​ക​ളാ​ണ് പ​തി​ച്ച​തെ​ന്നും ആ​ള​പാ​യ​മി​ല്ലെ​ന്നും വാർത്ത ഏജൻസിയുടെ റിപ്പോർട്ടിൽ പറയുന്നു. ബ​ലാ​ദ് വ്യോ​മ​താ​വ​ള​ത്തി​നു നേ​രെ​യും ആ​ക്ര​മ​ണ​മു​ണ്ടാ​യെ​ന്നും സൂചനയുണ്ട്. ഇ​വി​ടെ​യും ര​ണ്ട് മി​സൈ​ലു​ക​ളാ​ണ് പ​തി​ച്ച​തെ​ന്നാ​ണ് റിപ്പോർട്ട്. ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. കൂടുതൽ വിവരങ്ങൾ ലഭ്യമല്ല.

Two rockets hit Iraq base where US troops deployed, security sources say: AFP News Agency https://t.co/1dwvBM9e1y

— ANI (@ANI) January 4, 2020

ഇ​റാ​ഖി​ൽ അ​മേ​രി​ക്ക ന​ട​ത്തി​യ വ്യോ​മാ​ക്ര​മ​ണ​ത്തി​ൽ ഇ​റാ​നി​ൽ നി​ന്നു​ള്ള ക​മാ​ൻ​ഡ​ർ കാ​സിം സു​ലൈ​മാ​നി അ​ട​ക്ക​മു​ള്ള​വ​ർ കൊ​ല്ല​പ്പെ​ട്ട​തി​നു പി​ന്നാ​ലെ ​അ​മേ​രി​ക്ക തി​രി​ച്ച​ടി നേ​രി​ടാ​ൻ ഒ​രു​ങ്ങി​യി​രി​ക്ക​ണ​മെ​ന്ന മു​ന്ന​റി​യിപ്പുമായി ഇ​റാ​ൻ രംഗത്തെത്തിയിരുന്നു.

ഇറാനിലെ ഏറ്റവും കരുത്തനായ സേനാ കമാന്‍ഡര്‍ ജനറല്‍ ഖാസിം സുലൈമാനിയെ വധിച്ച് 24 മണിക്കൂറിനുള്ളിൽ വീണ്ടും അമേരിക്ക വടക്കന്‍ ബഗ്ദാദില്‍ നടത്തിയ വ്യോമാക്രമണത്തില്‍ ഇറാന്‍ പിന്തുണയുള്ള ആറ് പൗരസേന അംഗങ്ങള്‍ കൊല്ലപ്പെട്ടിരുന്നു. രണ്ട് കാറുകള്‍ തകര്‍ന്നു. ജനറല്‍ ഖാസിം സുലൈമാനിയ്ക്ക് ആദരാഞ്ജലി അര്‍പ്പിച്ച് ഇറാന്റെ ഖുദ്സ് ഫോഴ്‌സ് അംഗങ്ങള്‍ പരേഡ് നടത്താന്‍ ഏതാനും മണിക്കൂറുകള്‍ ശേഷിക്കെയാണ് ആക്രമണമുണ്ടായത്.

ഇറാനുമായി ഏറെ അടുപ്പം പുലര്‍ത്തുന്ന ഇറാഖ് അര്‍ധസൈനിക ശൃംഖലയായ ഹഷെദ് അല്‍ ഷാബിയുടെ വാഹനവ്യൂഹത്തിനു നേരെയായിരുന്നു ആക്രമണമെന്ന് രാജ്യാന്തര മാധ്യമങ്ങള്‍ റിപ്പോര്‍ട്ട് ചെയ്തു. യുഎസാണ് ആക്രമണത്തിനു പിന്നിലെന്ന് ഇറാഖ് മാധ്യമങ്ങള്‍ റിപ്പോര്‍ട്ട ചെയ്‌തെങ്കിലും ആരെ ലക്ഷ്യമാക്കിയായിരുന്നു ആക്രമണമെന്നു വ്യക്തമല്ല. പുതിയ സാഹചര്യങ്ങള്‍ പരിഗണിച്ച് പശ്ചിമേഷ്യയില്‍ മൂവായിരം സൈനികരെ അധികമായി വിന്യസിക്കുമെന്ന് അമേരിക്കന്‍ പ്രതിരോധ വകുപ്പ് അറിയിച്ചു.