KeralaLatest NewsNews

കൊറോണ: തൃശ്ശൂരിൽ ഐസോലേഷനിൽ കഴിഞ്ഞിരുന്ന പെൺകുട്ടിയുടെ ഏറ്റവും പുതുയ പരിശോധനാ ഫലം പുറത്ത്

തൃശ്ശൂർ: തൃശ്ശൂർ മെഡിക്കൽ കോളേജ് ഐസൊലേഷനിൽ കഴിഞ്ഞിരുന്ന പെൺകുട്ടിയുടെ സ്രവ സാമ്പിൾ പരിശോധന ഫലം നെഗറ്റീവ്. കൊറോണ വൈറസ് ബാധ സ്ഥിരീകരിച്ച പെൺകുട്ടിയുടെ ഏറ്റവും പുതിയ പരിശോധനാഫലമാണ് പുറത്തു വന്നത്. ഒരു തവണ കൂടി സാമ്പിൾ എൻ ഐ വി യിൽ അയച്ച് പരിശോധന നടത്തും. അതിലും നെഗറ്റീവ് ഫലം വന്നാൽ മാത്രമേ കൊറോണ ഇല്ലെന്ന് സ്ഥിരീകരിക്കാനാവൂ.

രോഗബാധ സ്ഥിരീകരിച്ചതിന് ശേഷം ഒന്നിടവിട്ട ദിവസങ്ങളിൽ പെൺകുട്ടിയുടെ സാമ്പിൾ പരിശോധനക്ക് അയച്ചിരുന്നു. ഫലം നെഗറ്റീവ് ആയാലും നെഗറ്റീവ് ഫലം ലഭിച്ചാലും പെൺകുട്ടി 28 ദിവസം നിരീക്ഷണത്തിൽ തുടരേണ്ടി വരും. ആദ്യമായാണ് നെഗറ്റീവ് ഫലം ലഭിക്കുന്നത്.

ALSO READ: കൊറോണ: രക്ഷിക്കണമെന്ന് കേണപേക്ഷിച്ചിട്ടും പാക് പൗരന്മാരോട് ഇമ്രാൻ കൈയൊഴിഞ്ഞു; ചൈനയിൽ കുടുങ്ങിപ്പോയ പാകിസ്ഥാൻ പൗരന്മാരെ രക്ഷിക്കാമെന്ന് വീണ്ടും ഇന്ത്യൻ പ്രധാനമന്ത്രി

പുതിയ പോസിറ്റീവ് കേസുകൾ ഒന്നും റിപ്പോർട്ട് ചെയ്യപ്പെട്ടിട്ടില്ല.അതേസമയം തൃശ്ശൂരിൽ ആശുപത്രിയിൽ നിരീക്ഷണത്തിൽ കഴിയുന്ന 3 പേരെ കൂടി ഡിസ് ചാർജ് ചെയ്തു. ഇനി 7 പേർ മാത്രമാണ് നിരീക്ഷണത്തിലുള്ളത്. വീടുകളിൽ നിരീക്ഷണത്തിൽ കഴിയുന്നവരുടെ എണ്ണം 253 ആയി തുടരുന്നു. 80 സാംപിളുകളാണ് ഇതുവരെ പരിശോധനയ്ക്കയച്ചത് അതിൽ 70 സാംപിളുകളുടേയും ഫലം നെഗറ്റീവായിരുന്നു. സംസ്ഥാനത്താകെ 3144 പേരാണ് നിരീക്ഷണത്തിലുള്ളത്.

Tags

Related Articles

Post Your Comments


Back to top button
Close
Close