Latest NewsNewsIndia

വിവാഹനാളില്‍ വരനും വധുവും വിഷം കഴിച്ച് ആത്മഹത്യയ്ക്ക് ശ്രമിച്ചു

കാൺപൂർ•ബുധനാഴ്ച വിവാഹിതരാകാനിരുന്ന രണ്ട് കമിതാക്കള്‍ വിഷം കഴിച്ച് ആത്മഹത്യയ്ക്ക് ശ്രമിച്ചു. ചൊവ്വാഴ്ച വൈകുന്നേരമാണ് യുവാവ് വിഷംകഴിച്ചു ആത്മഹത്യയ്ക്ക് ശ്രമിച്ചത്. യുവതി വ്യാഴാഴ്ച വൈകുന്നേരവും വിഷംകഴിച്ചു.

ഇരുവരെയും അവരവരുടെ വീടുകളിൽ അബോധാവസ്ഥയിൽ കണ്ടെത്തുകയായിരുന്നു. ഇരുവരെയും കടുംകൈയ്ക്ക് പ്രേരിപ്പിച്ചത് എന്താണെന്ന് കണ്ടെത്തിയിട്ടില്ലെന്ന് പോലീസ് പറഞ്ഞു. ഇരുവരും ഗുരുതരാവസ്ഥയില്‍ എൽ‌എൽ‌ആർ ആശുപത്രിയിൽ ചികിത്സയിലാണ്.

ഹർഷ് നഗർ പ്രദേശത്തെ 23 കാരിയും കമല ടവറിലെ 25 കാരനും തമ്മിൽ പ്രണയത്തിലായിരുന്നുവെന്ന് പോലീസ് പറഞ്ഞു. ഫേസ്ബുക്ക് വഴിയാണ് ഇവര്‍ പരിചയപ്പെടുന്നതും പ്രണയത്തിലാകുന്നതും. അതിനുശേഷം അവർ വിവാഹിതരാകാൻ തീരുമാനിക്കുകയും അവരുടെ തീരുമാനത്തെക്കുറിച്ച് മാതാപിതാക്കളെ അറിയിക്കുകയും ചെയ്തു, – ഒരു പോലീസ് ഉദ്യോഗസ്ഥൻ പറഞ്ഞു.

തുടർന്ന് ഇരുവരും കഴിഞ്ഞ ഏപ്രിലിൽ വിവാഹനിശ്ചയം നടത്തി. പിന്നീട്, യുവാവും കുടുംബാംഗങ്ങളും സ്ത്രീധനം ആവശ്യപ്പെട്ടതായി ആരോപിച്ച് പെൺകുട്ടിയുടെ കുടുംബം യുവാവിനും കുടുംബത്തിനും എതിരെ എഫ്‌ഐആർ ഫയൽ ചെയ്തു, തുടർന്ന് വിവാഹം നിർത്തിവച്ചു. എന്നാൽ, ഇരുവിഭാഗത്തുനിന്നുമുള്ള മുതിര്‍ന്നവരുടെ ഇടപെടലിനെത്തുടർന്ന് പ്രശ്‌നം പരിഹരിക്കപ്പെടുകയും ഫെബ്രുവരി 19 ന് കോടതിയിൽ വിവാഹം നിശ്ചയിക്കാൻ ഇരുപക്ഷവും തീരുമാനിക്കുകയും ചെയ്തു.

ചൊവ്വാഴ്ച വൈകുന്നേരം യുവാവ് വീട്ടിൽ വിഷം കഴിച്ച് ആത്മഹത്യയ്ക്ക് ശ്രമിക്കുകയും ലാല ലജ്പത് റായ് ആശുപത്രിയിൽ പ്രവേശിപ്പിക്കുകയും ചെയ്തു.

വ്യാഴാഴ്ച വൈകുന്നേരം പെൺകുട്ടി ആശുപത്രിയിൽ യുവാവിനെ കാണാന്‍ പോയിരുന്നു.

ആത്മഹത്യയ്ക്ക് ശ്രമിക്കുന്നതിനുമുമ്പ് തർക്കമുണ്ടായിരുന്നുവെന്ന് പ്രാഥമിക അന്വേഷണത്തില്‍ സൂചനയുണ്ടെന്ന് ഫീൽഖാന ഇൻസ്പെക്ടർ സതീഷ് ചന്ദ്ര പറഞ്ഞു. എന്നാല്‍ ഇരുവരും ബോധം വീണ്ടെടുത്ത് പോലീസിന് മൊഴി നൽകിയതിനുശേഷം മാത്രമേ കൃത്യമായ കാരണം കണ്ടെത്താനാകൂ.

ഇതുമായി ബന്ധപ്പെട്ട് കൂടുതൽ അന്വേഷണം നടക്കുന്നുണ്ടെന്നും ഇൻസ്പെക്ടർ പറഞ്ഞു.

shortlink

Related Articles

Post Your Comments

Related Articles


Back to top button