കോ​വി​ഡ്-19 വൈറസ് ബാധ കേ​ര​ള​ത്തി​ന്‍റെ സാമ്പത്തിക​നി​ല​യെ സാ​ര​മാ​യി ബാ​ധി​ക്കു​മെ​ന്ന് തോ​മ​സ് ഐ​സ​ക്

തിരുവനന്തപുരം : കോ​വി​ഡ്-19 വൈറസ് ബാധ കേ​ര​ള​ത്തി​ന്‍റെ സാമ്പത്തിക​നി​ല​യെ സാ​ര​മാ​യി ബാ​ധി​ക്കു​മെ​ന്ന് ധ​ന​മ​ന്ത്രി തോ​മ​സ് ഐ​സ​ക്. സംസ്ഥാനത്തു 14 പേ​ർ​ക്കു കൊ​റോ​ണ വൈ​റ​സ് സ്ഥി​രീ​ക​രി​ക്കു​ക​യും നൂ​റു ക​ണ​ക്കി​നു പേ​ർ നി​രീ​ക്ഷ​ണ​ത്തി​ലാ​കു​ക​യും ചെ​യ്ത സാ​ഹ​ച​ര്യ​ത്തി​ലാണ് പ്രതികരണവുമായി മന്ത്രി രംഗത്തെത്തിയത്.

Also read : ഡോ ഷിനു ശ്യാമളനെതിരെ കേസെടുത്തു

കോ​വി​ഡ്-19 ഗ​ൾ​ഫി​ൽ സൃ​ഷ്ടി​ച്ച പ്ര​തി​സ​ന്ധി​യും കേ​ര​ള​ത്തെ ബാ​ധി​ക്കും. ടൂ​റി​സം നി​യ​ന്ത്ര​ണ​ങ്ങ​ൾ​ക്കു​പു​റ​മേ വ്യാ​പാ​രം കു​റ​യാ​ൻ തു​ട​ങ്ങി​യത് നി​കു​തി​വ​രു​മാ​നത്തെയും  ബാധിക്കും. ഇ​തു​കൊ​ണ്ടാ​ണ് രോ​ഗ​വ്യാ​പ​നം ത​ട​യാ​ൻ ക​ർ​ശ​ന നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യ​ത്. പ്ര​തി​രോ​ധം ഊ ർ​ജി​ത​മാ​ക്കാ​ൻ കേ​ര​ള ഫി​നാ​ൻ​സ് കോ​ർ​പ​റേ​ഷ​നി​ൽ​നി​ന്ന് മെ​ഡി​ക്ക​ൽ സ​ർ​വീ​സ് കോ​ർ​പ​റേ​ഷ​ന് 150 കോ​ടി രൂ​പ ല​ഭ്യ​മാ​ക്കിയെ ന്നും പു​തി​യ സാമ്പത്തി​ക​വ​ർ​ഷം തു​ട​ങ്ങു​ന്ന​തോ​ടെ സാമ്പ​ത്തി​ക​പ്ര​തി​സ​ന്ധി​യി​ൽ അ​യ​വു​ണ്ടാ​കു​മെ​ന്നു പ്ര​തീ​ക്ഷിക്കുന്നതായും ധനമന്ത്രി പറഞ്ഞു.

അതേസമയം കോവിഡ്19 വൈറസ് ബാധ പടർന്നു പിടിച്ച ഇറ്റലിയിൽ നിന്ന് 42 മലയാളികൾ തിരിച്ചെത്തി. നെടുമ്പാശ്ശേരി വിമാനത്താവളത്തിലെത്തിയ ഇവരെ നിരീക്ഷണത്തിനായി ആലുവ താലൂക്ക് ആശുപത്രിയിലെ ഐസൊലേഷന്‍ വാര്‍ഡിലേക്ക് മാറ്റി. ഇറ്റലിയിൽനിന്ന് എത്തുന്നവരുടെ പരിശോധനാ ഫലങ്ങൾ നെഗറ്റീവ് ആകുന്നതുവരെ ഐസൊലേഷനിൽ വയ്ക്കണമെന്ന നിർദേശത്തിന്റെ അടിസ്ഥാനത്തിലാണ് നടപടി.

ഇറ്റലിയിൽ നിന്നു പത്തനംതിട്ട റാന്നിയിലെത്തി കോവിഡ് ബാധ സ്ഥിരീകരിച്ച കുടുംബം സന്ദർശിച്ച പുനലൂരിലെ ബന്ധു വീട്ടിൽ ഉണ്ടായിരുന്ന മൂന്ന് പേർക്കും അവരുടെ അയൽവാസികളായ രണ്ട് പേർക്കും വൈറസ് ബാധ ഇല്ലെന്നു കണ്ടെത്തിയിട്ടുണ്ട്. ഇവരെ ആശുപത്രി നിരീക്ഷണത്തിൽ നിന്ന്‌ ഒഴിവാക്കുമെങ്കിലും 28 ദിവസം വീട്ടിൽ നിരീക്ഷണത്തിൽ ആക്കുമെന്ന് അധികൃതർ അറിയിച്ചു. ഇറ്റലിയിൽ നിന്നും കഴിഞ്ഞ ദിവസമെത്തിയ 3 വയസുകാരനും മാതാപിതാക്കൾക്കും കൊവിഡ് 19 സ്ഥിരീകരിച്ച സാഹചര്യത്തിൽ എറണാകുളത്ത് നിരീക്ഷണം ശക്തമാക്കിയിട്ടുണ്ട്. ഇവർ സഞ്ചരിച്ച എമിറേറ്റ്സ് 530 വിമാനത്തിലുണ്ടായിരുന്ന മുഴുവൻ യാത്രക്കാരും വീടുകളിൽ ആരോഗ്യ വകുപ്പിൻ്റെ നിരീക്ഷണത്തിലാണ് വിമാനത്തിലുണ്ടായിരുന്ന 99 പേർ എറണാകുളം ജില്ലക്കാരാണ്.