ഉഗ്രസ്ഫോടനം : എട്ടുപേർ മരിച്ചതായി റിപ്പോർട്ട് , നിരവധി പേർക്ക് പരിക്ക്

ചെന്നൈ :  സ്‌ഫോടനത്തിൽ എട്ടുപേർ മരിച്ചതായി റിപ്പോർട്ട്. 11പേർക്ക് പരിക്കേറ്റു. തമിഴ്‌നാട്ടിലെ വിരുദുനഗർ ജില്ലയിൽ ചിപ്പിപ്പരായ് ഗ്രാമത്തിലെ രാജമഹൽഎന്ന പടക്ക നിർമാണ കേന്ദ്രത്തിൽ കഴിഞ്ഞ ദിവസം വൈകിട്ടായിരുന്നു സ്ഫോടനം.

Also read : കോവിഡ്-19; ഇന്ത്യയിൽ പ​ത്തു ദി​വ​സ​ത്തി​നി​ടെ അ​ഞ്ചി​ര​ട്ടി വ​ര്‍​ധ​ന​വ്

തൊഴിലാളികൾ വൈവിധ്യമാർന്ന ഫാൻസി പടക്കം നിർമ്മിക്കുന്നതിനായുള്ള രാസവസ്തുക്കൾ കൈകാര്യം ചെയ്യുന്നതിനിടെയാണ്  പൊട്ടിത്തെറി  ഉണ്ടായത്. ഈ സമയത്ത് 30 ഓളം ജീവനക്കാർ ഫാക്ടറിയിൽ ജോലി ചെയ്തിരുന്നുവെന്നാണ് റിപ്പോർട്ട്. പരിക്കേറ്റ തൊഴിലാളികളെ ഉടൻ തന്നെ കോവിൽപെട്ടി സർക്കാർ ആശുപത്രിയിൽ പ്രവേശിപ്പിച്ചു. ഉഗ്ര സ്ഫോടനമായതിനാൽ ഫാക്ടറി പ്രവർത്തിച്ചിരുന്ന കെട്ടിടങ്ങളും, ഗോഡൗണും നിലംപരിശായി. സ്‌ഫോടനത്തെത്തുടർന്ന് മുതിർന്ന പോലീസ് ഉദ്യോഗസ്ഥരും സ്ഥലത്തെത്തി, അന്വേഷണം ആരംഭിച്ചു.