തിരൂര്‍•സര്‍ക്കാര്‍ മദ്യ ഷാപ്പുകളും ബാറുകളും അടച്ചതിന് പിന്നാലെ സംസ്ഥാനത്ത് വ്യാജ മദ്യ നിര്‍മ്മാണം വ്യാപകമാകുന്നു. തിരൂരില്‍ ചാരായം വാറ്റുന്നതിനിടയില്‍ ഒരാള്‍ പിടിയിലായി. അമലത്ത് വീട്ടില്‍ മണികണ്ഠനെ (45)യാണ് എക്‌സൈസ് സംഘം അറസ്റ്റുചെയ്തത്.
വെട്ടം വേവണ്ണയില്‍ എക്‌സൈസ് ഇന്‍സ്‌പെക്ടര്‍ പി.എന്‍. ബിനുകുമാറിന്റെ നേതൃത്വത്തില്‍ നടത്തിയ റെയ്ഡിലാണ് 250 ലിറ്റര്‍ വാഷും വാറ്റുപകരണങ്ങളും പിടിച്ചെടുത്തത്. കഴിഞ്ഞദിവസങ്ങളിലായി വെട്ടം, വേവണ്ണ പ്രദേശങ്ങളില്‍ പ്രതി ചാരായം വിറ്റതായി നാട്ടുകാര്‍ പറഞ്ഞു. പ്രതിയുടെ അനിയന്റെ തോട്ടത്തില്‍നിന്നാണ് വാഷും വാറ്റുപകരണങ്ങളും പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Post Your Comments