ന്യൂയോർക്ക് : കൊവിഡ്-19 വൈറസ് വ്യാപിച്ചതോടെ ലോകം ലോകമഹായുദ്ധത്തിനു ശേഷമുള്ള ഏറ്റവും വലിയ പ്രതിസന്ധിയിലൂടെ ലോകം കടന്നുപോകുന്നുവെന്ന് യുഎൻ സെക്രട്ടറി ജനറൽ അന്‍റോണിയോ ഗുട്ടെറസ്.
ഐക്യരാഷ്ട്രസഭ രൂപീകരിച്ചതിനുശേഷം നേരിട്ട ഏറ്റവും വലിയ പ്രതിസന്ധിയാണിത്. കൊറോണ വൈറസ് വ്യാപനം ലോകത്ത് സൃഷ്ടിക്കുന്ന സാമ്പത്തിക മാന്ദ്യം സമീപകാലത്തെങ്ങും ഉണ്ടാകാത്ത തരത്തിലുള്ളതായിരിക്കും. ജനങ്ങളുടെ ജീവിതത്തെയും ഉപജീവനത്തേയും സമൂഹത്തെ ആകെയുമാണ് പുതിയ കൊറോണ വൈറസ് ആക്രമിക്കുന്നത് പകർച്ചവ്യാധി ഇല്ലാതാക്കുന്നതിന് അടിയന്തരമായി ഏകോപനത്തോടെയുള്ള പ്രതികരണം ഉണ്ടാവണമെന്നു പറഞ്ഞ ഗുട്ടെറസ് അവികസിത രാജ്യങ്ങളെ സഹായിക്കാൻ മുന്നോട്ടുവരണമെന്ന് വ്യവസായവത്കൃത രാജ്യങ്ങളോട് ആവശ്യപ്പെടുകയും ചെയ്തു.
അതേസമയം കൊവിഡ് വ്യാപനം ലോകത്ത് സാന്പത്തിക മാന്ദ്യം സൃഷ്ടിക്കുമെന്നും, വൈറസ് വ്യാപിച്ചതിന്റെ ഭാഗമായുള്ള സാമ്പത്തിക മാന്ദ്യം ഇന്ത്യ, ചൈന എന്നീ രാജ്യങ്ങളെ ഗണ്യമായി ബാധിക്കില്ലെന്നും ഐക്യരാഷ്ട്ര സംഘടന പുറത്തുവിട്ട റിപ്പോർട്ടിൽ പറയുന്നു. കോവിഡിനെ തുടര്‍ന്ന് ലക്ഷം കോടി ഡോളറിന്റെ നഷ്ടമാകും വികസിത രാഷ്ട്രങ്ങള്‍ക്കുള്‍പ്പെടെയുണ്ടാകുക. ഇത് ലോകത്തെ സാമ്പത്തിക മാന്ദ്യത്തിലേക്ക് നയിക്കും. ലോക ജനസംഖ്യയുടെ മൂന്നില്‍ രണ്ടുഭാഗവും വികസ്വര രാഷ്ട്രങ്ങളിലാണ് ജീവിക്കുന്നത്. കൊറോണ പ്രതിസന്ധിയില്‍നിന്ന് രാജ്യങ്ങളെ രക്ഷിക്കാന്‍ 2.5 ലക്ഷം കോടി ഡോളറിന്റെ രക്ഷാ പാക്കേജ് ആവശ്യമായിവരുമെന്നും യു.എന്‍ വ്യക്തമാക്കി.
ചരക്ക് കയറ്റുമതിയെ ആശ്രയിച്ചുകഴിയുന്ന രാജ്യങ്ങള്‍ക്ക് രണ്ടുവര്‍ഷത്തിനുള്ളില്‍ രണ്ട് ലക്ഷം കോടി ഡോളര്‍ മുതല്‍ മൂന്നു ലക്ഷം കോടി ഡോളര്‍വരെ കുറവുണ്ടാകാം.അതേസമയം, ലോകത്തുണ്ടാകാനിടയുള്ള സാമൂഹികവും സാമ്ബത്തികവും ധനപരവുമായ പ്രശ്‌നങ്ങളെ നേരിടുന്നതിന് 5 ലക്ഷം കോടി ഡോളര്‍ ചെലവിടാന്‍ ജി-20 കൂട്ടായ്മയുടെ നേതാക്കള്‍ വിഡിയോ കോണ്‍ഫറന്‍സിംഗ് ഉച്ചകോടിയില്‍ തീരുമാനിച്ചിരുന്നു.
Post Your Comments