Latest NewsNewsIndia

തൃപുരയില്‍ കോവിഡ് 19 കേസുകള്‍ ഉയരുന്നു

അഗര്‍ത്തല • തൃപുരയില്‍ ചൊവ്വാഴ്ച 23 പേര്‍ക്ക് കൂടി കോവിഡ് 19 സ്ഥിരീകരിച്ചതായി മുഖ്യമന്ത്രി മുഖ്യമന്ത്രി ബിപ്ലാബ് കുമാർ ദേബ് ട്വീറ്റ് ചെയ്തു. ഇതോടെ ത്രിപുരയിലെ കൊറോണ വൈറസ് കേസുകൾ 232 ആയി ഉയർന്നു. 65 പേരാണ് നിലവില്‍ ചികിത്സയിലുള്ളത്. അതേസമയം 165 രോഗികൾ ഇതുവരെ അണുബാധയിൽ നിന്ന് കരകയറി. രണ്ട് പേര്‍ മറ്റു സംസ്ഥാനങ്ങളിലേക്ക് പോയി.

ഇന്നലെ സ്ഥിരീകരിച്ചവരില്‍ 18 പേര്‍ മഹാരാഷ്ട്രയില്‍ നിന്നുമെത്തിയതാണ്. അഞ്ച് പേര്‍ക്ക് സമ്പര്‍ക്കത്തിലൂടെയാണ് രോഗം പകര്‍ന്നത്. മഹാരാഷ്ട്ര, കർണാടക, തമിഴ്‌നാട്, പശ്ചിമ ബംഗാൾ, മറ്റ് സംസ്ഥാനങ്ങൾ എന്നിവിടങ്ങളിൽ നിന്ന് മടങ്ങിയെത്തിയവരിലാണ് അടുത്തിടെ സ്ഥിരീകരിച്ച കേസുകളിൽ ഭൂരിഭാഗവും കണ്ടെത്തിയതെന്ന് അധികൃതർ അറിയിച്ചു.

ഏറ്റവും പുതിയ റിപ്പോർട്ടുകൾ പ്രകാരം 26,943 പേരിൽ 16,349 പേർ 14 ദിവസത്തെ നിരീക്ഷണ കാലയളവ് പൂർത്തിയാക്കി.

നിലവിൽ നിരീക്ഷണത്തിലുള്ള ആളുകളുടെ എണ്ണം 10,594 ആണ്, അതിൽ 300 പേർ സ്ഥാപന ക്വാറന്റൈനിലും 10,294 പേർ വീട്ടിലുമാണ്.

സംസ്ഥാനത്ത് ഇതുവരെ മൊത്തം 20,871 സാംപിളുകള്‍ പരിശോധിച്ചതയും അധികൃതര്‍ അറിയിച്ചു.

Tags

Related Articles

Post Your Comments


Back to top button
Close
Close