KeralaLatest NewsNews

കോവിഡ് 19 : തൃശൂര്‍ സ്വദേശിനിയുടെ നില അതീവ ഗുരുതരം

എറണാകുളം: സംസ്ഥാനത്ത് കോവിഡ് രോഗികളുടെ എണ്ണം കൂടുന്നതിലും മരണങ്ങള്‍ കൂടുന്നതിലും ആശങ്ക. ഇതിനിടെ മുംബൈയില്‍ നിന്നും എത്തി കൊവിഡ് സ്ഥിരീകരിച്ചതിനെ തുടര്‍ന്ന് എറണാകുളത്തെ ആശുപത്രിയില്‍ ചികിത്സയിലുള്ള വൃദ്ധയുടെ നില അതീവ ഗുരുതരം. ഇന്നലെ മുംബൈയില്‍ നിന്നും ട്രെയിനില്‍ എറണാകുളത്ത് എത്തിയ 80 വയസുകാരിയാണ് അത്യാസന്ന നിലയിലുള്ളത്. ഇന്നലെ നടത്തിയ സാംപിള്‍ പരിശോധനയില്‍ ഇവര്‍ക്ക് കൊവിഡ് സ്ഥിരീകരിച്ചിരുന്നു. തുടര്‍ന്ന് ഇവര്‍ക്കൊപ്പം യാത്ര ചെയ്തവരെ ക്വാറന്റീന്‍ ചെയ്തു.

Read Also : സംസ്ഥാനത്ത് ഒരു കോവിഡ് മരണം കൂടി

വിശദമായ പരിശോധനയില്‍ രോഗിക്ക് പ്രമേഹം മൂര്‍ച്ഛിച്ചത് മൂലമുള്ള ഡയബെറ്റിക് കീറ്റോ അസിഡോസിസ് ഉള്ളതായും, ന്യൂമോണിയ ബാധിച്ചിട്ടുള്ളതായും കണ്ടെത്തി ഇവരുടെ വൃക്കകളുടെയും, ഹൃദയത്തിന്റെയും പ്രവര്‍ത്തനത്തില്‍ സാരമായ പ്രശ്‌നങ്ങളുള്ളതായും കണ്ടെത്തിയിട്ടുണ്ട്. ഇവര്‍ മരുന്നുകളോട് പ്രതികരിക്കുന്നുണ്ടെങ്കിലും ആരോഗ്യ സ്ഥിതി ഗുരുതരമായി തുടരുകയാണെന്ന് ഡോക്ടര്‍മാര്‍ അറിയിക്കുന്നു. തൃശ്ശൂര്‍ സ്വദേശിനിയായ ഇവരെ സ്‌ക്രീനിംഗ് ടെസ്റ്റില്‍ രോഗലക്ഷണങ്ങള്‍ കണ്ടെത്തിനെ തുടര്‍ന്നാണ് ആശുപത്രിയിലാക്കിയത്.

Tags

Related Articles

Post Your Comments


Back to top button
Close
Close