ഹൈദരാബാദ്: മാസ്ക് ധരിക്കാന്‍ ആവശ്യപ്പെട്ടതിന് ഭിന്നശേഷിക്കാരിയായ ജീവനക്കാരിയെ തല്ലിച്ചതച്ചു മേലുദ്യോഗസ്ഥന്‍. ആന്ധ്രാപ്രദേശിലെ നെല്ലൂര്‍ ടൂറിസം വകുപ്പിനു കീഴിലുള്ള ഓഫീസിലെ ജീവനക്കാരിയെയാണു ഡെപ്യൂട്ടി മാനേജര്‍ ഇരുന്പുദണ്ഡ് ഉപയോഗിച്ചു മര്‍ദിച്ചത്.
സഹപ്രവര്‍ത്തകയെ ക്രൂരമായി മര്‍ദ്ദിക്കുന്നതിന്റെ ദൃശ്യങ്ങള്‍ സമൂഹ മാധ്യമങ്ങളിലൂടെ പ്രചരിച്ചതോടെ വിവിധ വകുപ്പുകള്‍ അനുസരിച്ച്‌ മാനേജര്‍ക്കെതിരെ കേസെടുത്തതായി പോലീസ് അറിയിച്ചു.
ജൂണ്‍ 27ന് നടന്ന സംഭവത്തിന്റെ നടുക്കുന്ന ദൃശ്യങ്ങളാണ് പുറത്തുവന്നത്. ആന്ധ്രാപ്രദേശ് ടൂറിസം ഡിപ്പാര്‍ട്ട്മെന്റിന്റെ കീഴില്‍ വരുന്ന ഹോട്ടലിലാണ് സംഭവം അരങ്ങേറിയത്. ഈ ഹോട്ടലിലെ ഡെപ്യൂട്ടി മാനേജറാണ് സഹപ്രവര്‍ത്തകയെ ക്രൂരമായി ര്‍ദ്ദിച്ചത്. സഹപ്രവര്‍ത്തകയെ ഇരുമ്പ് ദണ്ഡ് കൊണ്ട് ആക്രമിക്കുന്നതിന്റെ സിസിടിവി ദൃശ്യങ്ങളാണ് പുറത്ത് വന്നത്.
ആന്ധ്രാപ്രദേശ് നെല്ലൂര്‍സ്വദേശിനിയാണ് ഭിന്നശേഷിക്കാരിയായ ജീവനക്കാരി.മാസ്ക് ധരിക്കാന്‍ ആവശ്യപ്പെട്ടതില്‍ പ്രകോപിതനായ മാനേജര്‍ ഭിന്നശേഷിക്കാരിയായ കരാര്‍ ജീവനക്കാരിയെ ക്രൂരമായി മര്‍ദിക്കുകയായിരുന്നു.31 സെക്കന്‍ഡ് നീണ്ടു നില്‍ക്കുന്ന ദൃശ്യങ്ങളാണ് പുറത്തുവന്നത്. സഹപ്രവര്‍ത്തകയെ ഡെപ്യൂട്ടി മാനേജര്‍ ക്രൂരമായി മര്‍ദ്ദിക്കുന്നതാണ് ദൃശ്യങ്ങളിലുളളത്. തുടര്‍ന്ന് മുടിയില്‍ പിടിച്ച്‌ വലിച്ചിഴച്ച ശേഷം സ്ത്രീയെ ഇരുമ്പ് ദണ്ഡ് കൊണ്ട് തല്ലുന്നതും ദൃശ്യങ്ങളില്‍ വ്യക്തമാണ്.
#WATCH An employee of a hotel in Nellore under Andhra Pradesh Tourism Department beat up a woman colleague on 27th June following a verbal spat. Case registered against the man under relevant sections. pic.twitter.com/6u9HjlXvOR
— ANI (@ANI) June 30, 2020
ആദ്യം ഒരു സഹപ്രവര്‍ത്തകന്‍ ഇയാളെ പിടിച്ചുമാറ്റാന്‍ ശ്രമിക്കുന്നതും പിന്നീട് മറ്റൊരാള്‍ എത്തി കമ്പി പിടിച്ചുവാങ്ങുന്നതും ദൃശ്യങ്ങളിലുണ്ട്. ദൃശ്യങ്ങള്‍ വിവാദമായതോടെ, പോലീസ് കേസെടുത്ത് അന്വേഷണം ആരംഭിച്ചു. വിഷയത്തില്‍ ജീവനക്കാരി പരാതി നല്‍കിയതിനു പിന്നാലെ ആന്ധ്ര ടൂറിസം മന്ത്രി അവന്തി ശ്രീനിവാസ് അന്വേഷണത്തിന് ഉത്തരവിട്ടു. ഇയാളെ ജോലിയില്‍നിന്നു സസ്പെന്‍ഡ് ചെയ്യുകയും ചെയ്തിട്ടുണ്ട്.
Post Your Comments