KeralaNews

മാധ്യമങ്ങളില്‍ സ്വപ്‌നയ്‌ക്കൊപ്പം നില്‍ക്കുന്ന തന്റെ ഫോട്ടോകള്‍ പ്രചരിക്കുന്നതിനെ കുറിച്ച് ശിവശങ്കര്‍ ഐഎസിന്റെ പ്രതികരണം :ശിവശങ്കറുമായി ബന്ധപ്പെട്ടുള്ള സ്വര്‍ണക്കടത്ത് കേസുമായി ബന്ധപ്പെട്ട വിവരങ്ങള്‍ കസ്റ്റംസ് കമ്മീഷ്ണര്‍ക്കു കൈമാറി

കൊച്ചി : ശിവശങ്കര്‍ ഐഎഎസിന് സ്വര്‍ണക്കടത്ത് കേസുമായി ബന്ധപ്പെട്ട വിവരങ്ങള്‍ കസ്റ്റംസ് കമ്മീഷ്ണര്‍ക്കു കൈമാറി. ശിവശങ്കറിന് സ്വര്‍ണക്കടത്തില്‍ നേരിട്ടു പങ്കുള്ളതിന്റെ സൂചനകളൊന്നും ഇതുവരെ ലഭിച്ചിട്ടില്ലെന്നു കസ്റ്റംസ്. വ്യക്തമായ തെളിവുകള്‍ ശേഖരിച്ച ശേഷം തുടര്‍ നടപടികളിലേക്കു കടന്നാല്‍ മതിയെന്നാണ് കസ്റ്റംസിനു ലഭിച്ചിരിക്കുന്ന നിര്‍ദേശം. ശിവശങ്കറുമായി ബന്ധപ്പെട്ട് ശേഖരിച്ച വിവരങ്ങള്‍ കസ്റ്റംസ് കമ്മിഷണര്‍ക്ക് കൈമാറി. ഇന്നലെ കസ്റ്റംസ് സംഘം 9 മണിക്കൂര്‍ ശിവശങ്കറിന്റെ മൊഴിയെടുത്തിരുന്നു.

read also : സ്വര്‍ണക്കടത്ത് കേസ് ; ഭരണകൂടം മുഴുവന്‍ സംശയത്തിന്റെ നിഴലില്‍ മുഖ്യമന്ത്രി രാജിവച്ച് അന്വേഷണം നേരിടണം ; പികെ കുഞ്ഞാലിക്കുട്ടി

സ്വപ്നയുമായി വര്‍ഷങ്ങളായി പരിചയമുണ്ടെന്നാണ് ശിവശങ്കറിന്റെ മൊഴി. കോണ്‍സുലേറ്റിലെ ഉദ്യോഗസ്ഥയെന്ന നിലയിലായിരുന്നു പരിചയം. കുടുംബവുമായും അടുപ്പമുണ്ട്. സ്വപ്നയുടെ ഫ്‌ലാറ്റില്‍ സന്ദര്‍ശനം നടത്തിയിട്ടുണ്ട്. സെക്രട്ടേറിയറ്റിനടുത്തുള്ള തന്റെ ഫ്‌ലാറ്റില്‍ സ്വപ്നയും വന്നിട്ടുണ്ട്. നഗരത്തിലെ ഹോട്ടലുകളിലെ റസ്റ്ററന്റുകളില്‍ സ്വപ്നയ്ക്കും ഭര്‍ത്താവിനുമൊപ്പം പോയിട്ടുണ്ട്.

മാധ്യമങ്ങളില്‍ തന്റേതായി പ്രചരിക്കുന്ന ഫോട്ടോകള്‍ സ്വപ്നയുടെ കുടുംബത്തില്‍ നടന്ന വിവാഹ ചടങ്ങിന്റെ ഫോട്ടോയാണെന്ന് ശിവശങ്കര്‍ പറഞ്ഞു. സ്വര്‍ണക്കടത്തു സംഘവുമായി സ്വപ്നയ്ക്ക് ബന്ധമുണ്ടെന്നു കരുതിയിരുന്നില്ല. സ്വപ്നയ്ക്കു ജോലി ലഭിക്കുന്നതിനായി ഇടപെട്ടിട്ടില്ലെന്നും ശിവശങ്കര്‍ മൊഴി നല്‍കി.

ഈസ്റ്റ് കോസ്റ്റ് ഡെയ്ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Tags

Related Articles

Post Your Comments


Back to top button
Close
Close