‘ഇന്ത്യയും ചൈനയും ഒത്തൊരുമിച്ചുള്ള പ്രവ‍ർത്തനത്തിലൂടെ വികസനവും സമാധാനവും ഉറപ്പാക്കാനാവും’ ; സ്വാതന്ത്ര്യദിനാശംസകൾ നേർന്ന് ചൈന

ന്യൂഡൽഹി : രാജ്യം 74ാം സ്വാതന്ത്ര്യദിനം ആഘോഷിക്കുന്ന വേളയിൽ കേന്ദ്രസർക്കാരിനും ഇന്ത്യൻ ജനതയ്ക്കും സ്വാതന്ത്ര്യദിനാശംസകൾ നേർന്ന് ചൈന. ഇന്ത്യയിലെ ചൈനീസ് അംബാസിഡർ സുൻ വെയ്ഡോം​ഗാണ് ചൈനയുടെ ഔദ്യോ​ഗിക ആശംസകൾ ഇന്ത്യയെ അറിയിച്ചത്.

 

Congratulations to the Indian government & people on #IndependenceDay2020. Wish #China & #India, two great nations with ancient civilization prosper together in peace and develop with closer partnership.

— Sun Weidong (@China_Amb_India) August 15, 2020

മഹത്തായ ചരിത്രമുള്ള മഹത്തായ രണ്ട് രാഷ്ട്രങ്ങളാണ് ഇന്ത്യയും ചൈനയും ഒത്തൊരുമിച്ചുള്ള പ്രവ‍ർത്തനത്തിലൂടെ ഇരുരാഷ്ട്രങ്ങൾക്കും മേഖലയിൽ സമാധാനം ഉറപ്പാക്കാനും വികസനമെത്തിക്കാനും സാധിക്കും ചൈനീസ് അംബാസഡി‍ർ പ്രസ്താവനയിൽ പറഞ്ഞു.

അതേസമയം ഇരുരാജ്യങ്ങളും തമ്മിലുള്ള ബന്ധം ഏറ്റവും വഷളായ ഘട്ടത്തിലാണ് ഈ വ‍ർഷത്തെ സ്വാതന്ത്രദിനം കടന്നു വരുന്നത്. ലഡാക്ക് സംഘ‍ർഷത്തെ തുടർന്ന് വഷളായ ശേഷം ഇരുരാജ്യങ്ങളുടേയും ബന്ധം പൂ‍ർവ്വസ്ഥിതിയിലായിട്ടില്ല. ലഡാക്ക് അതി‍ർത്തിയിൽ പലയിടത്തും ഇപ്പോഴും ചൈനീസ് സാന്നിധ്യം തുടരുകയാണ്. ഇന്ന് നടത്തിയ സ്വാതന്ത്ര്യദിനപ്രസം​ഗത്തിലും അതിർത്തിയിലെ ഏത് പ്രകോപനവും ഇന്ത്യ ശക്തമായി നേരിടുമെന്ന് പ്രധാനമന്ത്രി മുന്നറിയിപ്പ് നൽകിയിരുന്നു.