Latest NewsNews

ബ്രാഹ്മണ പുരോഹിതന്മാർക്ക് പ്രതിമാസം 1000 രൂപ സ്റ്റൈപൻഡ് നൽകാനൊരുങ്ങി ബംഗാൾ സർക്കാർ

കൊൽക്കത്ത: നിർധനരായ ബ്രാഹ്മണ പുരോഹിതന്മാർക്ക് പ്രതിമാസം 1000 രൂപ സ്റ്റൈപൻഡായി നൽകു ന്ന പദ്ധതിയുമായി പശ്ചിമ ബംഗാൾ സർക്കാർ. വിജയ ദശമിയോടനുബന്ധിച്ചാണ് പദ്ധതി ആരംഭിക്കുക. എണ്ണായിരത്തോളം സാധു ബ്രാഹ്മണരുടെ അപേക്ഷയിന്മേലാണ് നടപടിയെന്ന് സർക്കാർ വ്യക്തമാക്കി. തൃണമൂൽ കോൺഗ്രസ്​ സർക്കാറിന് ഹിന്ദു വിരുദ്ധ മനോഭാവമാണെന്ന ബി.ജെ.പി അധ്യക്ഷൻ ജെ.പി നദ്ദയുടെ രൂക്ഷവിമർശനത്തിന് പിന്നാലെയാണ് ഈ നടപടി.

Read also:‘എന്റെ സ്ഥാനത്ത് നിങ്ങളുടെ മകളായിരുന്നെങ്കിൽ നിങ്ങൾ ഇതുതന്നെ പറയുമോ..?’; ജയാ ബച്ചനെതിരെ കടുത്ത വിമര്‍ശനവുമായി കങ്കണ റണൗട്ട്

ഇതിന് പുറമെ ദളിത് അക്കാദമി സ്ഥാപിക്കുന്നതും ഹിന്ദി അക്കാദമിയുടെയും രാജ്ബാൻഷി അക്കാദമിയുടെയും വിപുലീകരണവും മമത പ്രഖ്യാപിച്ചു. കൂടാതെ, സർക്കാറിന്റെ “സർബ ധർമ്മ സമൻ‌വേ” സമീപനത്തിന്റെ ഭാഗമായി 14-ാം നൂറ്റാണ്ടിലെതായ ബിഷ്ണുപൂരിലെ പൈതൃക ക്ഷേത്രങ്ങൾ പുന:സ്ഥാപിക്കുന്നതിന് പ്രത്യേക ഊന്നൽ നൽകിക്കൊണ്ട് ജില്ലകളിലെ മന്ദിരങ്ങൾ, മസ്ജിദുകൾ, ഗുരുദ്വാരകൾ എന്നിവ പുന:സ്ഥാപിക്കുന്നതിനുള്ള പദ്ധതിയും സർക്കാർ അനാവരണം ചെയ്തു.

പശ്ചിമ ബംഗാളിലെ പുതിയ പാർട്ടി കമ്മറ്റിയെ അഭിസംബോധ​ന ചെയ്​തുകൊണ്ടുള്ള വെർച്വൽ മീറ്റിങ്ങിനിടെ ഏതാനും ദിവസങ്ങൾക്ക് മുമ്പാണ് ബി.ജെ.പി അധ്യക്ഷൻ ജെ.പി നദ്ദ​ മമത ബാനർജി സർക്കാരിന് ഹിന്ദു വിരുദ്ധ മനോഭാവമാണെന്നും അത്​ സംസ്ഥാനത്ത് രാഷ്ട്രീയ അക്രമങ്ങൾ വർധിപ്പിക്കുന്നുവെന്നും ആരോപിച്ചത്. അടുത്ത വർഷം നടക്കാനിരിക്കുന്ന തിരഞ്ഞെടുപ്പ്​​ മുന്നിൽ കണ്ട്​ മമത സർക്കാർ ന്യൂനപക്ഷ പ്രീതിപ്പെടുത്തൽ നയങ്ങളാണ്​ പിന്തുടരുന്നതെന്നും ബി.ജെ.പി അധ്യക്ഷൻ ആരോപിച്ചിരുന്നു.

shortlink

Post Your Comments


Back to top button