Latest NewsNewsEducation

പ്ലസ് വണ്‍ ഏകജാലക പ്രവേശനം: നിരീക്ഷണത്തിലുള്ളവര്‍ക്ക്​ ഓണ്‍ലൈനായി അപേക്ഷിക്കാം

അപേക്ഷകര്‍ക്ക്​ പ്രവേശന നടപടികളുടെ അവസാന തീയതിയായ സെപ്​റ്റംബര്‍ 19നകം സ്‌കൂളില്‍ ഹാജരാകാന്‍ സാധിക്കില്ലെങ്കില്‍ ഓണ്‍ലൈനായി പ്രവേശനം നേടാം.

തൃശൂര്‍: കോവിഡ് വ്യാപനത്തിന്റെ പശ്ചാതലത്തിൽ കണ്ടെയ്ന്‍മെന്‍റ്​ സോണിലും ക്വാറന്‍റീനിലുമുള്ളവര്‍ക്ക് പ്ലസ് വണ്‍ ഏകജാലക പ്രവേശനം നേടാന്‍ ഓണ്‍ലൈനായി അപേക്ഷിക്കാം. അപേക്ഷകര്‍ക്ക്​ പ്രവേശന നടപടികളുടെ അവസാന തീയതിയായ സെപ്​റ്റംബര്‍ 19നകം സ്‌കൂളില്‍ ഹാജരാകാന്‍ സാധിക്കില്ലെങ്കില്‍ ഓണ്‍ലൈനായി പ്രവേശനം നേടാം.

അപേക്ഷകർക്ക് ഇതിനായി കാന്‍ഡിഡേറ്റ് ലോഗിനില്‍ സൗകര്യമുണ്ട്​. ലോഗിനിലെ ഓണ്‍ലൈന്‍ ജോയിനിങ്​ (online joining) എന്ന ലിങ്കിലൂടെ പ്രവേശനത്തിന് ഹാജരാക്കേണ്ട സര്‍ട്ടിഫിക്കറ്റുകളുടെ സ്‌കാന്‍ ചെയ്​ത കോപ്പികള്‍ അപ്​ലോഡ് ചെയ്യാവുന്നതാണ്. ഇത്തരത്തിൽ അയക്കുന്ന കോപ്പികള്‍ പ്രവേശനം ലഭിച്ച സ്‌കൂള്‍ പ്രിന്‍സിപ്പലിന്റെ ലോഗിനില്‍ ലഭ്യമാകും. പ്രിന്‍സിപ്പല്‍ ഓണ്‍ലൈന്‍ വെരിഫൈ ചെയ്​ത്​ സാധുത ഉറപ്പാക്കി പ്രവേശനത്തിന് അനുമതി നല്‍കുന്നതാണ്.

Read Also: പരീക്ഷാ ക്രമക്കേട്: കഴിഞ്ഞ വർഷത്തെ ചോദ്യക്കടലാസ് തീയതി മാത്രം മാറ്റി സർവകലാശാല ബിരുദാനന്തര പരീക്ഷ നടത്തി; കൂടുതൽ വിവരങ്ങൾ ഇങ്ങനെ

വിദ്യാർത്ഥികൾക്ക് പ്രിന്‍സിപ്പലിന്റെ അനുമതി ലഭിച്ചാല്‍ ഫീ പേമെന്‍റ്​ എന്ന ലിങ്കിലൂടെ ഫീസ് അടച്ച്‌ പ്രവേശനം പൂര്‍ത്തിയാക്കാം. ഓണ്‍ലൈന്‍ പ്രവേശനം നേടുന്നവര്‍ സ്‌കൂളില്‍ നേരിട്ട് ഹാജരാകുന്ന ഏറ്റവും അടുത്ത ദിവസം ഒറിജിനല്‍ സര്‍ട്ടിഫിക്കറ്റും മറ്റു രേഖകളും പ്രിന്‍സിപ്പലിന്​ സമര്‍പ്പിക്കണം. ഈ അവസരത്തില്‍ സത്യവിരുദ്ധമായ എന്തെങ്കിലും കണ്ടെത്തുകയാണങ്കില്‍ വിദ്യാര്‍ഥിയുടെ പ്രവേശനം റദ്ദാക്കുന്നതാണ്.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Post Your Comments


Back to top button