Life Style

ശരീര ഭാരം കുറക്കാന്‍ മധുരക്കിഴങ്ങ്

 

നല്ല രുചി മാത്രമല്ല ആരോഗ്യപരമായ നിരവധി ഗുണങ്ങളും ഉള്ള ഒന്നാണ് മധുരക്കിഴങ്ങ് . ഇതില്‍ ഏറ്റവും അതിശയകരമായ വസ്തുത എന്തെന്നാല്‍ ശരീര ഭാരം കുറക്കാന്‍ മധുരക്കിഴങ്ങിന് നമ്മെ സഹായിക്കാന്‍ സാധിക്കും എന്നുള്ളതാണ് . വിറ്റാമിന്‍ സി , കാല്‍സ്യം എന്നിവ ധാരാളം അടങ്ങിയിരിക്കുന്ന ഭക്ഷ്യ വസ്തു കൂടിയാണ് മധുരക്കിഴങ്ങ് .

ബീറ്റ കരോട്ടീന്‍ , ചര്‍മ്മത്തെ ഉത്തേജിപ്പിക്കുന്ന ധാരാളം പോഷകങ്ങള്‍ എന്നിവ മധുരക്കിഴങ്ങില്‍ അടങ്ങിയിരിക്കുന്നതിനാല്‍ ശരീര ഭാരം കുറക്കാന്‍ ഭക്ഷണക്രമത്തില്‍ ഇതുള്‍പ്പെടുത്തുന്നത് സഹായകമാകും എന്നാണ് ഗവേഷകര്‍ പറയുന്നത് .മധുരക്കിഴങ്ങില്‍ കലോറിയും കൊഴുപ്പും നന്നേ കുറവും നാരുകള്‍ ധാരാളമായി അടങ്ങിയിരിക്കുകയും ചെയ്യുന്നു .

പുഴുങ്ങിയോ , ഗ്രില്‍ ചെയ്‌തോ മധുരക്കിഴങ്ങ് അത്താഴത്തിന്റെ ഭാഗമാക്കുന്നത് മൂലം വയര്‍ നിറയുന്ന പ്രതീതി ഉണ്ടാക്കുകയും അമിതമായി ഭക്ഷണം കഴിക്കുന്നത് ഒഴിവാക്കാന്‍ സഹായിക്കുകയും ചെയ്യും .നാരുകള്‍ ധാരാളമായി അടങ്ങിയിരിക്കുന്നതിനാല്‍ പ്രമേഹ രോഗികള്‍ക്കും കഴിക്കാന്‍ ഉത്തമമായ ഭക്ഷണമാണ് മധുരക്കിഴങ്ങ് .

കലോറി വളരെ കുറവായതിനാല്‍ വിശക്കുമ്പോള്‍ മധുരക്കിഴങ്ങ് കഴിക്കുകയാണെങ്കില്‍ ശരീര ഭാരം കൂടാതെ തന്നെ വിശപ്പ് മാറ്റാന്‍ ഇത് സഹായിക്കും . മധുരക്കിഴങ്ങില്‍ ധാരാളം വെള്ളം അടങ്ങിയിരിക്കുന്നതിനാല്‍ ഇത് കഴിക്കുന്നത് മൂലം വയര്‍ നിറഞ്ഞ പ്രതീതി ഉണ്ടാകുന്നതിനാല്‍ അമിതമായി കലോറിയും കൊഴുപ്പും അടങ്ങിയ ഭക്ഷണം കഴിക്കാതെ നമ്മെ തടയുകയും ചെയ്യും .

വിറ്റാമിന്‍ സി കൂടാതെ വിറ്റാമിന്‍ എ യും അടങ്ങിയിരിക്കുന്നതിനാല്‍ കാഴ്ചശക്തിക്കും മധുരക്കിഴങ്ങ് ഉത്തമമാണ് . പൊട്ടാസിയത്തിന്റെ അളവ് കൂടുതല്‍ ഉള്ളതിനാല്‍ ഓര്‍മ്മശക്തിക്കും ഹൃദയാരോഗ്യത്തിനും മധുരക്കിഴങ്ങ് നല്ലതാണ് എന്നാണ് പഠനങ്ങള്‍ പറയുന്നത് .

മധുരക്കിഴങ്ങില്‍ അടങ്ങിയിരിക്കുന്ന ബീറ്റ കരോട്ടിന്‍ ചര്‍മ്മത്തെ സംരക്ഷിക്കുകയും മിനുസ്സമുള്ളതുമാക്കുന്നു . പലപ്പോഴും ശരീര ഭാരം കൂടാനുള്ള കാരണം രക്തത്തിലെ പഞ്ചസാരയുടെ അളവ് കൂടുന്നത് മൂലം ആയിരിക്കും . മധുരക്കിഴങ്ങില്‍ രക്തത്തിലെ പഞ്ചസാരയുടെ അളവ് ക്രമീകരിക്കാനുള്ള പോഷകങ്ങള്‍ അടങ്ങിയിരിക്കുന്നതിനാല്‍ ശരീര ഭാരം കൂടുകയും ഇല്ല പ്രമേഹവും നിയന്ത്രണത്തിലാവും എന്നുള്ളതും എടുത്തു പറയേണ്ട ഒന്നാണ് .

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button