യുഎന്‍ മനുഷ്യവകാശ കൗണ്‍സില്‍ തെരഞ്ഞെടുപ്പില്‍ വോട്ടുകള്‍ കുറഞ്ഞതിനു പിന്നാലെ ചൈനയ്ക്ക് വന്‍ തിരിച്ചടി : പിന്തുണ പിന്‍വലിച്ചിരിക്കുന്നത് 41 രാജ്യങ്ങള്‍

ന്യൂയോര്‍ക്ക്: യുഎന്‍ മനുഷ്യാവകാശ കൗണ്‍സിലിലേക്ക് നടന്ന തെരഞ്ഞെടുപ്പില്‍ ചൈനയ്ക്ക് തിരിച്ചടി. 47 അംഗ കൗണ്‍സിലിലേക്ക് തെരഞ്ഞെടുക്കപ്പെട്ടെങ്കിലും ലഭിച്ചത് 139 വോട്ടുകള്‍ മാത്രം.

Read Also : നിതീഷ്‌കുമാറിന് വേണ്ടി വോട്ടു ചോദിച്ച് ഐശ്വര്യാറായി

2016ലെ തെരഞ്ഞെടുപ്പില്‍ ലഭിച്ചതിനേക്കാള്‍ 41 വോട്ടുകള്‍ കുറവാണ് ഇത്തവണ ലഭിച്ചത്. 2009 ല്‍ 157 വോട്ടും, 2013ല്‍ 167 വോട്ടും ആണ് ചൈനയ്ക്ക് ലഭിച്ചത്. ചൈനയ്ക്ക് നൂറ്റിഎണ്‍പത് വോട്ടുവരെ കിട്ടിയ കാലമുണ്ടായിരുന്നു. അവിടെ നിന്നാണ് ഈ വര്‍ഷത്തെ തിരിച്ചടി.

ചൈന പിടിച്ചടക്കിയ ടിബറ്റിലേയും ഹോങ്കോങ്ങിലേയും മനുഷ്യാവകാശ ലംഘനങ്ങള്‍ ചൂണ്ടിക്കാട്ടിയാണ് ചൈനയ്ക്ക് ലോക രാഷ്ട്രങ്ങള്‍ക്കിടയില്‍ കടുത്ത വിമര്‍ശനങ്ങള്‍ ഉണ്ടാകുന്നത്.