ഇത് താര ബേദി കൗശാല്‍ എന്ന ഞങ്ങളുടെ താരകുട്ടി; നാലു വയസുകാരിയെ ദത്തെടുത്തു നടി മന്ദിര ബേദിയും ഭർത്താവും ; ആഘോഷമാക്കി ആരാധകർ

പ്രശസ്ത ബോളിവുഡ് നടി മന്ദിര ബേദിയും ഭര്‍ത്താവും സംവിധായകനുമായ രാജ് കൗശാലും നാലു വയസുകാരി പെണ്‍കുട്ടിയെ ദത്തെടുത്തു, മന്ദിര തന്നെയാണ് സന്തോഷവാര്‍ത്ത ആരാധകരുമായി പങ്കുവെച്ചത്, താര ബേദി കൗശാല്‍ എന്ന് പേരിട്ട കുഞ്ഞിനൊപ്പമുള്ള കുടുംബ ചിത്രവും മന്ദിര പുറത്തുവിട്ടു.

അതി മനോഹരമായ വരികളിലൂടെയാണ് താരയുടെ വരവിനെ താരം വര്‍ണിച്ചത്, അവള്‍ ഞങ്ങളിലേക്ക് വന്നു, മുകളില്‍ നിന്നുള്ള അനുഗ്രഹം പോലെ. ഞങ്ങളുടെ കുഞ്ഞ് പെണ്‍കുട്ടി, താര. നാല് വയസുകാരി, നക്ഷത്രം പോലെയാണ് അവളുടെ കണ്ണുകള്‍ തിളങ്ങുന്നത്, വീറിന് സഹോദരിയായി. കൈകള്‍ തുറന്ന് സ്‌നേഹം നിറച്ച്‌ ഞങ്ങള്‍ അവളെ വീട്ടിലേക്ക് സ്വാഗതം ചെയ്തു. നന്ദിയോടെ, അനുഗ്രഹത്തോടെ- ചിത്രം പങ്കുവെച്ച്‌ മന്ദിര കുറിച്ചു വാക്കുകൾ സോഷ്യൽ മീഡിയയിൽ വൈറലായി മാറിയിരിക്കുകയാണ്.

 

https://www.instagram.com/p/CGxIPeSACRg/

 

കൂടാതെ ഈവര്‍ഷം ജൂലൈ 28നാണ് മകള്‍ കുടുംബത്തോടൊപ്പം ചേര്‍ന്നത് എന്നും മന്ദിര പറയുന്നുണ്ട്, താരങ്ങള്‍ ഉള്‍പ്പടെ നിരവധി പേരാണ് മന്ദിരയ്ക്കും കുടുംബത്തിനും ആശംസകളുമായി എത്തുന്നത്. കൗശാലും മകള്‍ക്കൊപ്പമുള്ള ചിത്രം പങ്കുവെച്ചിട്ടുണ്ട്. അവസാനം കുടുംബം പൂര്‍ണമായി എന്ന അടിക്കുറിപ്പിലാണ് അദ്ദേഹത്തിന്റെ പോസ്റ്റ്, 199 ഫെബ്രുവരി 14നാണ് മന്ദിരയും കൗശാലും വിവാഹിതരാകുന്നത്. ഒന്‍പത് വയസുകാരനായ വീര്‍ ആണ് ഇവരുടെ മൂത്ത മകന്‍, സമൂഹ മാധ്യമങ്ങളിൽ മന്ദിരയുടെ പോസ്റ്റിന് വൻ വരവേൽപ്പാണ് ലഭിക്കുന്നത്.