തൊടുപുഴ: സ്വർണ്ണക്കള്ളക്കടത്തുക്കേസിലെ യഥാർത്ഥപ്രതി പിണറായി വിജയൻ രാജിവയ്ക്കണമെന്ന് ആവശ്യപ്പെട്ട് കെഎസ്‌യു ജില്ലാ കമ്മിറ്റിയുടെ നേതൃത്വത്തിൽ തൊടുപുഴയിൽ പ്രതിഷേധ പ്രകടനവും യോഗവും നടത്തി.
ജില്ലാ പ്രസിഡൻ്റ് ടോണി തോമസിൻ്റെ അദ്ധ്യക്ഷതയിൽ ചേർന്ന പ്രതിഷേധയോഗം കെപിസിസി ജനറൽ സെക്രട്ടറി റോയി കെ പൗലോസ് ഉദ്ഘാടനം ചെയ്തു. കള്ളൻമാരുടെയും കൊള്ളക്കാരുടെയും സംഘമായ പിണറായി സർക്കാർ, അൽപ്പമെങ്കിലും ആൽമാഭിമാനമുണ്ടെങ്കിൽ അധികാരത്തിൽ കടിച്ചുതൂങ്ങാതെ രാജിയിവയ്ക്കണമെന്ന് റോയി കെ പൗലോസ് ആവശ്യപ്പെട്ടു.
ജാഫർഖാൻ മുഹമ്മദ്, ജിയോ മാത്യു, ബിലാൽ സമദ്, അഡ്വ: ജസ്റ്റിൻ ചെകിടി, സി.എസ് വിഷ്ണുദേവ്, ഫസ്സൽ സുലൈമാൻ, ടോമി പാലക്കൻ എന്നിവർ പ്രസംഗിച്ചു. പ്രതിഷേധ പ്രകടനത്തിന് കെഎസ്‌യു നേതാക്കളായ അനസ്സ് ജിമ്മി, ഫസ്സൽ അബ്ബാസ്, റഹ്മാൻ ഷാജി, അൽത്താഫ് സുധീർ, സെബിൻ ജോയി, അൽഫോൺസ് ചാക്കോ, ഷാബിർ ഷാജി, ബ്ലസൺ ബേബി, അനസൽ റഷീദ്, ബാദുഷ, ജസിം എന്നിവർ നേതൃത്വം നൽകി.
Post Your Comments