പെണ്‍കള്‍ ഒരുമൈ’ സംഘടനയുടെ നേതാവ് രാജേശ്വരിക്കും ഒപ്പം തിരഞ്ഞെടുക്കപ്പെടുന്ന മറ്റൊരാള്‍ക്കും വീട് വച്ച്‌ നല്‍കാന്‍ സുരേഷ് ഗോപി എംപി നേരത്തെ തന്നെ സന്നദ്ധത അറിയിച്ചിരുന്നു. ഇപ്പോഴിതാ രാജേശ്വരിക്കും സംഘടനയുടെ മറ്റു നേതാക്കള്‍ക്കുമൊപ്പമുള്ള സുരേഷ്‌ഗോപിയുടെ ചിത്രം സോഷ്യല്‍ മീഡിയയില്‍ ചര്‍ച്ച ആവുകയാണ്. സുരേഷ് ഗോപി തന്നെയാണ് ചിത്രം പങ്കുവച്ചിരിക്കുന്നത്.
‘എംപിയുടെ അടുത്ത സര്‍ജിക്കല്‍ സ്ട്രൈക്ക്’ എന്നാണ് അദ്ദേഹം ചിത്രത്തിന് നല്‍കിയിരിക്കുന്ന അടിക്കുറിപ്പ്. നിധിന്‍ രണ്‍ജി പണിക്കര്‍ ഒരുക്കുന്ന ‘കാവലി’ന്‍റെ ചിത്രീകരണത്തിലാണ് ഇപ്പോള്‍ സുരേഷ് ഗോപി ഉള്ളത്. പാലക്കാടും വണ്ടിപ്പെരിയാരിലുമായാണ് 23ന് പുനരാരംഭിച്ച ചിത്രീകരണം നടക്കുന്നത്. ‘കസബ’യ്ക്കു ശേഷം നിധിന്‍ രണ്‍ജി പണിക്കര്‍ സംവിധാനം നിര്‍വഹിക്കുന്ന ചിത്രത്തില്‍ തമ്പാന്‍ എന്ന കഥാപാത്രത്തെയാണ് സുരേഷ് ഗോപി അവതരിപ്പിക്കുന്നത്.
നേരത്തെ മൂന്നാര്‍ വട്ടവടയിലെ കുടിവെള്ളപ്രശ്നം പരിഹരിക്കാനായി സുരേഷ് ഗോപി എംപി ഇടപെടുകയുണ്ടായി. എംപി ഫണ്ടില്‍ നിന്ന് 73 ലക്ഷം രൂപ ചെലവിട്ട് നിര്‍മ്മിച്ച കോവിലൂര്‍ കുടിവെള്ള പദ്ധതിയുടെ ഉദ്ഘാടനം ഗവര്‍ണര്‍ ആരിഫ് മുഹമ്മദ് ഖാന്‍ ആണ് നിര്‍വ്വഹിക്കുകയുണ്ടായത്. സുരേഷ് ഗോപിയുടെ പിറന്നാള്‍ ദിനത്തിലായിരുന്നു വീഡിയോ കോണ്‍ഫറന്‍സിലൂടെ പദ്ധതിയുടെ ഉദ്ഘാടനം നടന്നത്.
Post Your Comments