KeralaLatest NewsNews

പിതാവിനെ പൊലീസ് അറസ്റ്റ് ചെയ്തതിനെ തുടര്‍ന്ന് മാതാവ് ജീവനൊടുക്കിയത് അറിയാതെ പന്ത്രണ്ടുകാരനായ മകന്‍…. ഏറ്റെടുക്കാന്‍ ബന്ധുക്കളും എത്തിയില്ല … കുട്ടിയെ അമ്മയുടെ മരണ വിവരം അറിയിക്കാതെ പൊലീസ്

ഇടുക്കി: നാടിനു നൊമ്പരമായി 12 കാരന്‍. മാല മോഷണ കേസില്‍ പിതാവിനെ പൊലീസ് അറസ്റ്റ് ചെയ്തതിനെ തുടര്‍ന്ന് മാതാവ് ജീവനൊടുക്കിയത് പന്ത്രണ്ടുകാരനായ മകന്‍ അറിഞ്ഞിട്ടില്ല. അയ്യപ്പന്‍കോവില്‍ ആലടിയില്‍ വാടകയ്ക്ക് താമസിക്കുന്ന പാറശാല മുരിയങ്കര ഭാഗത്ത് കുവരക്കുവിള വീട്ടില്‍ സജുവിന്റെ ഭാര്യ ബിന്ദു(40) ആണ് വീടിനുള്ളില്‍ തൂങ്ങിമരിച്ചത്. സജുവിനെ പൊലീസ് അറസ്റ്റ് ചെയ്തതിന് പിന്നാലെയാണ് ബിന്ദു ആത്മഹത്യ ചെയ്തത്.

മരണ വിവരം അറിയിക്കാതെ സമീപത്തെ വീട്ടില്‍ താമസിപ്പിച്ചിരിക്കുന്ന മകനെ ചൈല്‍ഡ് ലൈന്‍ ഏറ്റെടുത്തിട്ടുണ്ട്. പ്രണയിച്ച് വിവാഹിതരായെന്ന് കരുതുന്ന ഇവരുടെ ബന്ധുക്കള്‍ ആരും എത്താതിരുന്നതിനെ തുടര്‍ന്നാണ് ചൈല്‍ഡ് ലൈന്‍ ഏറ്റെടുത്തത്. ബിന്ദുവിന്റെ സംസ്‌കാരത്തിനുശേഷം മകനെ സംരക്ഷണ കേന്ദ്രത്തിലേക്ക് മാറ്റും. കാഞ്ഞിരപ്പള്ളിയില്‍ സ്‌കൂട്ടറിലെത്തി വീട്ടമ്മയുടെ മാല കവര്‍ന്ന കേസില്‍ പൊന്‍കുന്നം പൊലീസ് സജുവിനെ തെളിവെടുപ്പിനായി ചൊവ്വാഴ്ച ഏലപ്പാറയില്‍ എത്തിച്ചിരുന്നു. പൊലീസ് പോയ ഉടന്‍ മകനെ ടിവി കാണാന്‍ ഇരുത്തി ബിന്ദു മുറിക്കുള്ളില്‍ കയറി വാതില്‍ അടച്ചു. ഏറെസമയം കഴിഞ്ഞിട്ടും പുറത്തിറങ്ങാതെ വന്നതോടെ മകന്‍ അയല്‍വീട്ടിലെത്തി വിവരം പറഞ്ഞു. അയല്‍വാസികളാണ് തൂങ്ങി മരിച്ച നിലയില്‍ ബിന്ദുവിനെ കണ്ടെത്തിയത്.

shortlink

Related Articles

Post Your Comments


Back to top button