ന്യൂഡല്‍ഹി: കസ്റ്റഡി പീഡനം തടയുന്നതിനായി രാജ്യത്തെ പോലീസ് സ്റ്റേഷനുകളില്‍ സിസിടിവി സ്ഥാപിക്കുന്നതു സംബന്ധിച്ച ഹര്‍ജി സുപ്രീം കോടതി വിധി പറയാനായി മാറ്റി. ഇതുസംബന്ധിച്ച മാര്‍ഗരേഖ സുപ്രീംകോടതി പുറത്തിറക്കും.
പോലീസ് സ്റ്റേഷനുകളില്‍ ഓഡിയോ സംവിധാനമുള്ള സിസിടിവി സ്ഥാപിക്കണമെന്നും അതിലെ ദൃശ്യങ്ങള്‍ 45 ദിവസമെങ്കിലും സൂക്ഷിച്ചു വയ്ക്കുന്നതിനുള്ള നടപടികള്‍ സ്വീകരിക്കണമെന്നും ജസ്റ്റീസ് രോഹിന്‍ടണ്‍ നരിമാന്‍ അധ്യക്ഷനായ ബെഞ്ച് നിര്‍ദേശിച്ചു.
കസ്റ്റഡി പീഡനം തടയുന്നതിനായി രാജ്യത്തെ എല്ലാ പോലീസ് സ്റ്റേഷനുകളിലും സിസിടിവി സ്ഥാപിക്കണമെന്നു 2018ല്‍ സുപ്രീം കോടതി ഉത്തരവിട്ടിരുന്നു. ഈ ഉത്തരവ് പ്രകാരം ഏതൊക്കെ പോലീസ് സ്റ്റേഷനുകളില്‍ എവിടെയൊക്കെ എത്രമാത്രം സിസിടിവികള്‍ വച്ചു എന്ന് അറിയിക്കാന്‍ കോടതി എല്ലാ സംസ്ഥാനങ്ങളോടും നിര്‍ദേശിച്ചു. ഭൂരിഭാഗം സംസ്ഥാനങ്ങളും കൃത്യമായ മറുപടി നല്‍കിയില്ല. ഈ സാഹചര്യത്തിലാണ് മാര്‍ഗരേഖ പുറത്തിറക്കുന്നതിനെ കുറിച്ച്‌ കോടതി ആലോചിക്കുന്നത്.
Post Your Comments