Latest NewsNews

ഭാര്യയുടെ ആഡംബര ജീവിതത്തിനായി ബൈക്ക് മോഷ്ടാവായി ഭര്‍ത്താവ്; ഒടുവില്‍ സംഭവിച്ചത്

സൂറത്ത് : ഭാര്യയുടെ ആഡംബര ജീവിതത്തിനായി ബൈക്ക് മോഷ്ടാവാകേണ്ടി വന്ന യുവാവ് പൊലീസ് പിടിയിലായി. ​ഗുജറാത്തിലെ സൂറത്തിലാണ് സംഭവം. ഡയമണ്ട് തൊഴിലാളിയായിരുന്ന ഭൽവന്ദ് ചൗഹാൻ എന്നയാളാണ അറസ്റ്റിലായത്. ലോക് ഡൗൺ സമയത്ത് ജോലി നഷ്ടമായതോടെയാണ് ഇയാൾ ബൈക്ക് മോഷണത്തിലേക്ക് തിരിഞ്ഞത്.

ഭാര്യയുടെ മൂത്ത സഹോദരി ആഡംബര ജീവിതം നയിച്ചിരുന്നതില്‍ ചൗഹാന്റെ ഭാര്യ അസൂയപ്പെട്ടിരുന്നു. ചൗഹാന്‍ 15,000 മുതല്‍ 20,000 രൂപ വരെ സമ്പാദിച്ചിരുന്നു. എന്നാല്‍, കോവിഡ് വ്യാപനത്തെ തുടര്‍ന്നുണ്ടായ ലോക്ക്ഡൗണ്‍ സമയത്ത് ചൗഹാന് ജോലി നഷ്ടപ്പെട്ടു.ആവശ്യത്തിന് പണം സമ്പാദിക്കാന്‍ കഴിയാതിരുന്നതിനാല്‍ ചൗഹാന്‍ മോട്ടോര്‍ സൈക്കിളുകള്‍ മോഷ്ടിക്കാനുള്ള തീരുമാനം എടുക്കുകയായിരുന്നു.

കപോദര, വരച്ച, അമ്രോളി, കതര്‍ഗാം എന്നിവിടങ്ങളില്‍ നിന്ന് 30 ഓളം ഇരുചക്ര വാഹനങ്ങള്‍ ചൗഹാന്‍ മോഷ്ടിച്ചു. അറസ്റ്റു ചെയ്തതിന് ശേഷം ചൗഹാനില്‍ നിന്ന് മോഷ്ടിച്ച വാഹനങ്ങളെല്ലാം പൊലീസ് പിടിച്ചെടുത്തു. ഷോപ്പിംഗ് കോപ്ലക്സുകളുടെ പാര്‍ക്കിംഗ് സ്ഥലങ്ങളില്‍ ഇരിക്കുന്ന വാഹനങ്ങള്‍ മോഷ്ടിക്കാനാണ് പ്രതി പ്രധാനമായും ശ്രദ്ധിച്ചിരുന്നത്. ഡയമണ്ട് യൂണിറ്റില്‍ ജോലി ചെയ്തിരുന്നതിനാല്‍ ജീവനക്കാരുടെ ജോലി സമയം ചൗഹാന് അറിയാമെന്ന് ക്രൈംബ്രാഞ്ചിലെ പൊലീസ് ഉദ്യോഗസ്ഥർ പറഞ്ഞു.

ഈസ്റ്റ് കോസ്റ്റ് ഡെയ്‌ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Related Articles

Post Your Comments


Back to top button