KeralaLatest NewsNews

പെരിയ കേസിലെ വിധി സര്‍ക്കാരിന് തിരിച്ചടിയല്ല; എ കെ ബാലന്‍

കൊച്ചി: പെരിയ കേസിലെ സുപ്രീംകോടതി വിധി സര്‍ക്കാരിന് തിരിച്ചടിയല്ലെന്ന് നിയമമന്ത്രി എ കെ ബാലന്‍ പറയുന്നു. സിബിഐ അന്വേഷണത്തിന് ഉത്തരവിട്ട ഹൈക്കോടതി വിധിയില്‍ വ്യക്തതയില്ലായിരുന്നു. അതിനാലാണ് സര്‍ക്കാര്‍ സുപ്രീംകോടതിയെ സമീപിച്ചതെന്നും അദ്ദേഹം പറഞ്ഞു.

സിബിഐ അന്വേഷണത്തിന് എതിരെ സര്‍ക്കാര്‍ സമര്‍പ്പിച്ച ഹര്‍ജി കഴിഞ്ഞദിവസം സുപ്രീംകോടതി തള്ളിയിരുന്നു. ജസ്റ്റിസ് നാഗേശ്വര റാവുവിന്റെ അധ്യക്ഷതയിലുള്ള ബെഞ്ചാണ് ഹര്‍ജി തള്ളിയത്. കേസിലെ രേഖകള്‍ എത്രയും വേഗം സിബിഐയ്ക്ക് കൈമാറണമെന്ന് കോടതി പൊലീസിനോട് നിർദ്ദേശിക്കുകയുണ്ടായി.

ഒന്നര മണിക്കൂറോളം നീണ്ടുനിന്ന വാദത്തിന് ഒടുവിലാണ് കോടതി സര്‍ക്കാരിന്റെ ഹര്‍ജി തള്ളിയിരിക്കുന്നത്. അന്വേഷണം കാര്യക്ഷമമായാണ് നടന്നതെന്ന് സര്‍ക്കാര്‍ വാദിക്കുകയുണ്ടായി. അന്വേഷണം സിബിഐയ്ക്ക് വിട്ടതുകൊണ്ട് പൊലീസിന്റെ മനോവീര്യം ഇല്ലാതാകുമെന്ന് പറയാനാകില്ലെന്ന് കോടതി നിരീക്ഷിച്ചു.

shortlink

Related Articles

Post Your Comments

Related Articles


Back to top button