ആയിരക്കണക്കിന്​ മരങ്ങൾ കൃഷ്‌ണന്‌ വേണ്ടി മുറിക്കാൻ അനുവദിക്കില്ല;​ സുപ്രീംകോടതി

ന്യൂഡൽഹി: ഭഗവാൻ കൃഷ്​ണന്​ വേണ്ടി ആയിരക്കണക്കിന്​ മരങ്ങൾ മുറിക്കാൻ യു.പി സർക്കാറിനോട്​ സുപ്രീംകോടതി. ബുധനാഴ്​ച ചീഫ്​ ജസ്​റ്റിസ്​ എസ്​.എ ബോബ്​ഡേയാണ്​ സുപ്രധാന നിരീക്ഷണം നടത്തുകയുണ്ടായത്​. യു.പി പൊതുമരാമത്ത്​ വകുപ്പ്​ അഭിഭാഷകനോടായിരുന്നു സുപ്രീംകോടതി പരാമർശം നടത്തിയിരിക്കുന്നത്.

മഥുരയിലെ കൃഷ്​ണ ക്ഷേത്രത്തിലേക്കുള്ള 25 കിലോ മീറ്റർ റോഡിന്​ വീതി കൂട്ടുന്നതിനായി 2,940 മരങ്ങൾ മുറിക്കാൻ യു.പി സർക്കാർ തീരുമാനിക്കുകയുണ്ടായി. ഇതിന്​ 138.41 കോടി നഷ്​ടപരിഹാരം നൽകുമെന്നും പകരം മറ്റൊരിടത്ത്​ മരങ്ങൾ വെച്ചുപിടിപ്പിക്കുമെന്നും സർക്കാർ അറിയിക്കുകയുണ്ടായി. എന്നാൽ, മറ്റൊരിടത്ത്​ മരങ്ങൾ വെച്ചുപിടിപ്പിക്കുന്നത്​ 100 വർഷം പഴക്കമുള്ള മരങ്ങൾക്ക്​ പകരമാവില്ലെന്ന്​ സുപ്രീംകോടതി നിരീക്ഷിച്ചു.

മരങ്ങൾ ഓക്​സിജൻ നൽകുന്നുണ്ട്​. അതു കൂടി പരിഗണിച്ച്​ മാത്രമേ അതി​െൻറ മൂല്യം കണക്കാക്കാനാവൂവെന്ന്​ സുപ്രീംകോടതി നിരീക്ഷിച്ചു. ഇതുമായി ബന്ധപ്പെട്ട്​ പുതിയ റിപ്പോർട്ട്​ സമർപ്പിക്കാനും കോടതി നിർദേശിക്കുകയുണ്ടായി.