സംസ്ഥാന സര്ക്കാരിനെ കാലില് ചുഴറ്റി അറബികടലില് എറിയണമെന്ന നടൻ സുരേഷ് ഗോപി എം പിയുടെ പരാമര്ശത്തിന് മറുപടിയുമായി നടന് ഹരീഷ് പേരടി.
Read Also : സിബിഐ കസ്റ്റഡിയില് സൂക്ഷിച്ച 43 കോടിയുടെ സ്വർണ്ണം കാണാനില്ലെന്ന് പരാതി
അറബി കടലില് എറിയാന് ആഗ്രഹിക്കുന്നവര്ക്ക് എറിയുന്നതിന്റെ ചരിത്രത്തെ കുറിച്ച് നല്ല ബോദ്ധ്യമുണ്ടാവുകണമെന്ന് ഹരീഷ് തന്റെ ഫേസ്ബുക്ക് കുറിപ്പില് പറഞ്ഞു. എടുത്ത് എറിയുംതോറും വീണ്ടും ഉരുണ്ട് കൂടി ന്യൂനമര്ദ്ദമായി മാറുകയും പിന്നീട് ഒരു ചുഴലിയായി എറിഞ്ഞവരുടെ മുകളില് തന്നെ പതിക്കുന്ന പ്രത്യേക പ്രതിഭാസമാണതെന്നും ഹരീഷ് പറഞ്ഞു.
ആ ചുഴലിയില് പിന്നെ നിങ്ങളുടേത് എന്ന് പറയാന് ഒന്നും അവശേഷിക്കില്ല. ഒരു ചുകന്ന സൂര്യന് മാത്രം കത്തി നില്ക്കും. കളമറിഞ്ഞ് കളിക്കുകയെന്നും ഹരീഷ് പറഞ്ഞു. നേരത്തെ എല്.ഡി.എഫ് സര്ക്കാരിനെ കാലുവാരിയെടുത്ത് അറബിക്കടലില് എറിയണമെന്നും ഇത്രയും വൃത്തികെട്ട ഭരണം ഇന്ത്യയിലെ മറ്റൊരു സംസ്ഥാനത്തും ഉണ്ടായിട്ടില്ലെന്നും സുരേഷ് ഗോപി പറഞ്ഞിരുന്നു.
Post Your Comments