Latest NewsNewsIndia

ചൗധരി ചരണ്‍ സിംഗ് ആണ് പ്രധാനമന്ത്രി നരേന്ദ്ര മോദിയുടെ പ്രചോദനം : രാജ്നാഥ് സിംഗ്

കിസാന്‍ ദിനത്തില്‍ രാജ്യത്തെ കര്‍ഷകര്‍ക്ക് കേന്ദ്രമന്ത്രി രാജ്നാഥ് സിംഗ് ട്വിറ്ററിലൂടെ ആശംസകള്‍ അറിയിച്ചു

ന്യൂഡല്‍ഹി : ഡിസംബര്‍ 23ന് മുന്‍ പ്രധാനമന്ത്രി ചൗധരി ചരണ്‍ സിങ്ങിന്റെ ജന്മവാര്‍ഷികത്തോടനുബന്ധിച്ച് ആഘോഷിക്കുന്ന കിസാന്‍ ദിനത്തില്‍ രാജ്യത്തെ കര്‍ഷകര്‍ക്ക് കേന്ദ്രമന്ത്രി രാജ്നാഥ് സിംഗ് ട്വിറ്ററിലൂടെ ആശംസകള്‍ അറിയിച്ചു. ഈ വര്‍ഷം, കര്‍ഷകരുടെ പ്രതിഷേധത്തിനിടയിലാണ് ഈ ദിവസം. പ്രതീകാത്മക പ്രതിഷേധത്തിന്റെ ഭാഗമായി കര്‍ഷകര്‍ നിരാഹാരം ആചരിക്കും.

”ഇന്ന്, കര്‍ഷക ദിനത്തോടനുബന്ധിച്ച് രാജ്യത്ത് സംഭാവന ചെയ്ത എല്ലാ കര്‍ഷകരേയും ഞാന്‍ അഭിവാദ്യം ചെയ്യുന്നു. അവര്‍ രാജ്യത്തിന്റെ ഭക്ഷ്യ സുരക്ഷ ഉറപ്പു നല്‍കി. ചില കര്‍ഷകര്‍ കാര്‍ഷിക നിയമങ്ങള്‍ക്കെതിരെ പ്രക്ഷോഭത്തിലാണ്. സര്‍ക്കാര്‍ അവരോട് ചര്‍ച്ചയ്ക്ക് തയ്യാറാണ്. തങ്ങളുടെ പ്രതിഷേധം ഉടന്‍ പിന്‍വലിക്കുമെന്ന് ഞാന്‍ പ്രതീക്ഷിക്കുന്നു.” – രാജ്നാഥ് സിംഗ് ട്വീറ്റ് ചെയ്തു.

” കര്‍ഷകരുടെ വരുമാനം വര്‍ദ്ധിപ്പിക്കണമെന്നും അവരുടെ വിളകള്‍ക്ക് മികച്ച വില ലഭിക്കണമെന്നും ചൗധരി ചരണ്‍ സിംഗ് ആഗ്രഹിച്ചു. പ്രധാനമന്ത്രി നരേന്ദ്ര മോദി അദ്ദേഹത്തില്‍ നിന്ന് പ്രചോദനം ഉള്‍ക്കൊണ്ടാണ് കര്‍ഷകരുടെ ക്ഷേമത്തിനായി നിരവധി നടപടികള്‍ സ്വീകരിച്ചത്. കര്‍ഷകരുടെ താല്‍പ്പര്യങ്ങള്‍ വ്രണപ്പെടുത്താന്‍ അദ്ദേഹം അനുവദിക്കില്ല.” – കാര്‍ഷിക പരിഷ്‌കാരങ്ങള്‍ കര്‍ഷകരെ ഉപദ്രവിക്കില്ലെന്ന് ആവര്‍ത്തിച്ചു കൊണ്ട് രാജ്നാഥ് സിംഗ് ട്വീറ്റ് ചെയ്തു.

shortlink

Related Articles

Post Your Comments


Back to top button