ന്യൂഡല്‍ഹി: തൃണമൂല്‍ കോണ്‍ഗ്രസില്‍ കൊഴിഞ്ഞു പോക്ക് തുടരുകയാണ്. മന്ത്രിമാർ ഉൾപ്പെടെ പല അംഗങ്ങളും പാർട്ടി ഉപേക്ഷിച്ചു ബിജെപിയിൽ അംഗത്വം എടുത്തുക്കഴിഞ്ഞു. എന്നാൽ ഇപ്പോൾ പുതിയ തീരുമാനവുമായി എത്തിയിരിക്കുകയാണ് ബിജെപി. നേതാക്കളെ കൂട്ടത്തോടെയെത്തിച്ച്‌ തൃണമൂലിന്‍റെ ബി ടീമാനാകാനില്ലെന്നാണ് ബിജെപിയുടെ പുതിയ നിലപാട്. ഇനി കൃത്യമായ പരിശോധനയില്ലാതെ ആരെയും പാര്‍ട്ടിയില്‍ ചേര്‍ക്കേണ്ടെന്നാണ് ബിജെപിയുടെ തീരുമാനമെന്ന് ദേശീയ ജനറല്‍ സെക്രട്ടറി കൈലാഷ്‌ വിജയ് വാര്‍ഗിയ പറഞ്ഞു.
”തൃണമൂലിന്‍റെ ബി ടീമാകാന്‍ ഞങ്ങള്‍ ആഗ്രഹിക്കുന്നില്ല. ക്ലീന്‍ ഇമേജില്ലാത്ത പല തൃണമൂല്‍ നേതാക്കളും ബിജെപിയിലെത്തുകയാണ്. പല തരത്തിലുള്ള ആരോപണങ്ങള്‍ അഭിമുഖീകരിക്കുന്ന നേതാക്കള്‍ ബിജെപിയില്‍ എത്തുന്നതിനെ ജനങ്ങള്‍ അംഗീകരിക്കില്ല.ഇനി മുതല്‍ കൂട്ടത്തോടെ ആളുകളെ ബി.ജെ.പിയിലെത്താന്‍ അനുവദിക്കില്ല. കൃത്യമായ പരിശോധന നടത്തിയാകും നേതാക്കളെ പാര്‍ട്ടിയിലേക്ക് എത്തിക്കുക”- വിജയ വര്‍ഗീയ പറഞ്ഞു.
Post Your Comments