നെടുങ്കണ്ടം : പൊലീസ് ഉദ്യോഗസ്ഥർക്കു നൽകിയിരുന്ന കോവിഡ് ചികിത്സാ സഹായം നിർത്തലാക്കി. എഡിജിപിയുടെ പുതിയ ഉത്തരവിലാണ് നടപടി. പൊലീസ് വെൽഫെയർ ബ്യൂറോയിൽ നിന്നു ചികിത്സാ ചെലവിനായി 5000 രൂപയാണ് നല്കിക്കൊണ്ടിരുന്നത്.
ഇനി ഈ തുക നൽകേണ്ടതില്ലെന്ന് എഡിജിപിയുടെ നിർദേശം.
വാക്സീൻ വിതരണം തുടങ്ങിയതാണു സഹായം നിർത്തിയതിനു കാരണമെന്നു എഡിജിപി മനോജ് ഏബ്രഹാമിന്റെ ഉത്തരവിൽ പറയുന്നു. എന്നാൽ ഇതിനെതിരെ സേനയിൽ പ്രതിഷേധം ശക്തമായിട്ടുണ്ട്. ഉത്തരവ് പിൻവലിക്കണമെന്നാണ് ഉദ്യോഗസ്ഥർ ആവശ്യപ്പെടുന്നത്.
Post Your Comments