കോവിഡ് നിയമലംഘനം; ഖത്തറിൽ 263 പേ​ർ​ക്കെ​തി​രെ നടപടി

ദോ​ഹ: കോ​വി​ഡ്​ പ്ര​തി​രോ​ധ ന​ട​പ​ടി​ക​ൾ സ്വീ​ക​രി​ക്കാ​ത്ത​തി​ന്​ രാ​ജ്യ​ത്ത്​ ഇ​ന്ന​ലെ 263 പേ​ർ​ക്കെ​തി​രെ കൂ​ടി പൊ​ലീ​സ്​ ന​ട​പ​ടി​യെ​ടു​ത്തിരിക്കുന്നു. മാ​സ്​​ക്​ ധ​രി​ക്കാ​ത്ത​തി​നാ​ണ്​ 241 പേ​ർ​ക്കെ​തി​രെ നടപടിയെടുത്തിരിക്കുന്നത്​. രാ​ജ്യ​ത്ത്​ പുറത്തിറങ്ങുമ്പോൾ മാ​സ്​​ക്​ ധ​രി​ക്ക​ൽ നി​ർ​ബ​ന്ധ​മാ​ണ്. കാ​റി​ൽ കൂ​ടു​ത​ൽ പേ​ർ യാ​ത്ര ചെ​യ്​​ത​തി​ന്​ 21 പേ​ർ​ക്കെ​തി​രെ​യും ന​ട​പ​ടി​യു​ണ്ടാ​യി. ഒ​രേ കു​ടും​ബ​ത്തി​ൽ നി​ന്നു​ള്ള​വ​രൊ​ഴി​കെ കാ​റു​ക​ളി​ൽ നാ​ലു പേ​രി​ൽ കൂ​ടു​ത​ൽ പേ​ർ യാ​ത്ര ചെ​യ്യു​ന്ന​ത്​ രാ​ജ്യ​ത്ത്​ നി​രോ​ധി​ച്ച​താ​ണ്.

പ​രി​ധി​യി​ൽ കൂ​ടു​ത​ൽ ആ​ളു​ക​ൾ വാ​ഹ​ന​ത്തി​ൽ യാ​ത്ര​ചെ​യ്​​താ​ൽ ചു​രു​ങ്ങി​യ പി​ഴ ആ​യി​രം റി​യാ​ൽ ആ​ണ് പിഴയായി ഇടക്കുന്നത്. കൊറോണ വൈറസ് പ്ര​തി​രോ​ധ ന​ട​പ​ടി​ക​ളു​ടെ ഭാ​ഗ​മാ​യാ​ണി​ത്​. താ​മ​സ​സ്​​ഥ​ല​ത്തു​നി​ന്നും മ​റ്റി​ട​ങ്ങ​ളി​ൽ​നി​ന്നും പു​റ​ത്തി​റ​ങ്ങു​മ്പോ​ൾ ഫേ​സ്​ മാ​സ്​​ക് നി​ർ​ബ​ന്ധ​മാ​ക്കി​യ​ത് മേ​യ്​ 17 മു​ത​ലാ​ണ്​ രാ​ജ്യ​ത്ത്​ പ്രാ​ബ​ല്യ​ത്തി​ൽ വ​ന്ന​ത്. എ​ന്നാ​ൽ അതേസമയം പ​ല​രും ഇ​തി​ൽ വീ​ഴ്​​ച​വ​രു​ത്തു​ന്നു​ണ്ട്. ഇ​തോ​ടെ ന​ട​പ​ടി​ക​ൾ ശ​ക്​​ത​മാ​ക്കി​യി​രി​ക്കു​ക​യാ​ണ്​ അ​ധി​കൃ​ത​ർ. മാ​സ്​​ക് ധ​രി​ക്കു​ന്ന​തു​മാ​യി ബ​ന്ധ​പ്പെ​ട്ട് നി​യ​മ​ലം​ഘ​നം ന​ട​ത്തു​ക​യാ​ണെ​ങ്കി​ൽ സാം​ക്ര​മി​ക രോ​ഗ​ങ്ങ​ൾ ത​ട​യു​ന്ന​തി​നു​ള്ള 1990ലെ 17ാം ​ന​മ്പ​ർ ഉ​ത്ത​ര​വ് പ്ര​കാ​ര​മാ​ണ്​ അ​ധി​കൃ​ത​ർ ന​ട​പ​ടി സ്വീ​ക​രി​ക്കു​ക.