ദോഹ: ഖത്തറിൽ 463 പേർക്ക് പുതുതായി കൊറോണ വൈറസ് രോഗം സ്ഥിരീകരിച്ചു. ഇതിൽ 421 പേർക്ക് സമ്പർക്കം മൂലമാണ് കോവിഡ് രോഗബാധയുണ്ടായത്. 42 പേർ വിദേശത്ത് നിന്ന് തിരിച്ചെത്തിയവരാണ്. 359 പേർക്ക് രോഗമുക്തിയുണ്ടായി. നിലവിലുള്ള ആകെ കോവിഡ് ബാധിച്ച രോഗികൾ 9921 ആയി. ഇന്നലെ 10578 പേർക്കാണ് കോവിഡ് പരിശോധന നടത്തിയത്. ആകെ 1550694 പേരെ പരിശോധിച്ചപ്പോൾ 164600 പേർക്കാണ് ഇതുവരെ വൈറസ്ബാധയുണ്ടായത്. മരിച്ചവരും രോഗം ഭേദമായവരും ഉൾപ്പെടെയാണിത്. ആകെ മരണം 259 ആയിരിക്കുന്നു.
ആകെ 154420 പേർക്കാണ് രോഗമുക്തിയുണ്ടായത്. 736പേരാണ് ആശുപത്രിയിൽ ചികിൽസയിലുള്ളത്. ഇതിൽ 120 പേരെ കഴിഞ്ഞ 24 മണിക്കൂറിനുള്ളിൽ പ്രവേശിപ്പിച്ചതാണ്. 106 പേർ തീവ്രപരിചരണവിഭാഗത്തിൽ കഴിയുകയാണ്. ഇതിൽ പത്തുപേരെ ഇന്നലെ പ്രവേശിപ്പിച്ചതാണ്.
Post Your Comments