പാലക്കാട് ജില്ലയിൽ കോവിഡ് ബാധിച്ചവരുടെ എണ്ണം

പാലക്കാട്: ജില്ലയില്‍ ഇന്ന് 65 പേര്‍ക്ക് കൊറോണ വൈറസ് രോഗം സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിക്കുകയുണ്ടായി. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 27 പേര്‍, ഉറവിടം അറിയാതെ രോഗം ബാധിച്ച 34 പേർ, ഇതര സംസ്ഥാനങ്ങളിൽ നിന്നും വന്ന 4 പേർ എന്നിവർ ഉൾപ്പെടും.74 പേര്‍ക്ക് രോഗമുക്തി ഉള്ളതായും അധികൃതര്‍ അറിയിക്കുകയുണ്ടായി.

ഇതോടെ ജില്ലയില്‍ ചികിത്സയിലുള്ളവരുടെ എണ്ണം 1230 ആയി ഉയർന്നു. ജില്ലയില്‍ ചികിത്സയില്‍ ഉള്ളവര്‍ക്ക് പുറമെ പാലക്കാട് ജില്ലക്കാരായ ഒരാള്‍ വീതം കൊല്ലം, ഇടുക്കി, കണ്ണൂർ, വയനാട്, ജില്ലകളിലും, 2 പേർ കാസർഗോഡ് ജില്ലയിലും 3 പേർ കോഴിക്കോട് ജില്ല ജില്ലയിലും 12 പേർ തിരുവനന്തപുരം ജില്ലയിലും 11 പേർ എറണാകുളം ജില്ലയിലും 14 പേർ തൃശ്ശൂർ ജില്ലയിലും 29 പേർ മലപ്പുറം ജില്ലയിലും ചികിത്സയിലുണ്ട്.