പി​ണ​റാ​യി സ​ര്‍ക്കാ​റിന്റെ കാ​ല​ത്താ​ണ് ബി.​ജെ.​പി ഏ​റ്റ​വും കൂ​ടു​ത​ല്‍ വ​ള​ര്‍ച്ച നേ​ടി​യ​തെ​ന്ന് ഉമ്മൻ ചാണ്ടി

തി​രു​വ​ന​ന്ത​പു​രം: പി​ണ​റാ​യി സ​ര്‍ക്കാ​റിന്റെ കാ​ല​ത്താ​ണ് കേ​ര​ള​ത്തി​ല്‍ ബി.​ജെ.​പി ഏ​റ്റ​വും കൂ​ടു​ത​ല്‍ വ​ള​ര്‍ച്ച നേ​ടി​യ​തെ​ന്ന് മു​ന്‍ മു​ഖ്യ​മ​ന്ത്രി ഉ​മ്മ​ന്‍ ചാ​ണ്ടി. തെ​ര​ഞ്ഞെ​ടു​പ്പി​ല്‍ പ​ല​യി​ട​ത്തും സി.​പി.​എം-​ബി.​ജെ.​പി അ​ന്ത​ര്‍ധാ​ര ഉ​ണ്ടാ​യി​ട്ടു​ണ്ട്, അ​വ​ര്‍ പ​ര​സ്പ​ര സ​ഹാ​യ​സം​ഘ​മാ​ണ്, ഉമ്മൻ ചാണ്ടി ആരോപിച്ചു.

Read Also : “മലയാളികള്‍ ബുദ്ധിയുള്ളവർ , സംസ്ഥാനത്ത് യു.ഡി.എഫ് അനുകൂല തരംഗം” : ശശി തരൂർ 

പ്ര​കൃ​തി ദു​ര​ന്ത​ങ്ങ​ളോ​ടൊ​പ്പ​മാ​ണ് സ​ര്‍ക്കാ​ര്‍ നി​ര്‍മി​ത ദു​ര​ന്ത​ങ്ങ​ളാ​യ അ​രും​കൊ​ല​ക​ളും ആ​ഴ​ക്ക​ട​ല്‍ വി​ല്‍​പ​ന​യും പി​ന്‍വാ​തി​ല്‍ നി​യ​മ​ന​വും വാ​ള​യാ​ര്‍പോ​ലു​ള്ള സം​ഭ​വ​ങ്ങ​ളു​മു​ണ്ടാ​യ​ത്. ഭ​ര​ണ​ത്തു​ട​ര്‍ച്ച​യെ​ന്നു​പ​റ​ഞ്ഞാ​ല്‍ ഇ​വ​യു​ടെ തു​ട​ര്‍ച്ച​ കൂ​ടി​യാ​ണ്. ഇ​തി​ന് അ​റു​തി​വ​രു​ത്താ​ന്‍ ഭ​ര​ണ​മാ​റ്റം അ​നി​വാ​ര്യ​മാ​ണെന്ന്​ അദ്ദേഹം പറഞ്ഞു.

യു.​ഡി.​എ​ഫ്​ അ​ധി​കാ​ര​ത്തി​ലെ​ത്തി​യാ​ല്‍ ന്യാ​യ് പ​ദ്ധ​തി​യി​ലൂ​ടെ പാ​വ​പ്പെ​ട്ട കു​ടും​ബ​ങ്ങ​ളെ സം​ര​ക്ഷി​ക്കും. തൊ​ഴി​ലി​നു​വേ​ണ്ടി ചെ​റു​പ്പ​ക്കാ​ര്‍ മു​ട്ടി​ലി​ഴ​യേ​ണ്ടി വ​രി​ല്ല. വി​ശ്വാ​സി​ക​ളെ ആ​രും ച​വി​ട്ടി​ത്തേ​ക്കു​ക​യു​മി​ല്ല. ക​ട​ലിന്റെ മ​ക്ക​ളു​ടെ മ​ത്സ്യ​ സമ്പത്ത് അ​വ​ര്‍ക്കു​ത​ന്നെ ല​ഭി​ക്കും. വാ​ള​യാ​ര്‍ അ​മ്മ​ക്ക്​ സം​ഭ​വി​ച്ച​ത് ഇ​നി ഒ​ര​മ്മ​ക്കും സം​ഭ​വി​ക്കി​ല്ല. രാ​ഷ്​​ട്രീ​യ കൊ​ല​പാ​ത​ക​ങ്ങ​ള്‍ അ​വ​സാ​നി​പ്പി​ച്ചി​രി​ക്കും. പൗ​ര​ത്വ​നി​യ​മ​ത്തിന്റെ പേ​രി​ല്‍ ആ​ര്‍ക്കും പോ​റ​ല്‍പോ​ലും ഏ​ല്‍ക്കി​ല്ല. എ​ല്ലാ വി​ഭാ​ഗ​ങ്ങ​ള്‍ക്കും നീ​തി ല​ഭി​ച്ചി​രി​ക്കു​മെ​ന്നും ഉ​മ്മ​ന്‍ ചാ​ണ്ടി പ​റ​ഞ്ഞു.