Latest NewsNewsInternational

ട്രംപ്​ മുടക്കി, ബൈഡൻ പുതുക്കി; യു.എന്‍ ഫലസ്​തീനി അഭയാര്‍ഥി ഏജന്‍സിക്ക് ആശ്വാസം

1948ല്‍ ഇസ്രായേല്‍ ആട്ടിപ്പായിച്ച ഏഴു ലക്ഷം ഫലസ്​തീനികളുടെ കുടുംബങ്ങള്‍ക്കാണ്​ യു.എന്‍ ഏജന്‍സി പ്രധാനമായും സഹായം നല്‍കുന്നത്​.

വാഷിംഗ്‌ടൺ: യു എന്നിനു കീഴിലെ ഫലസ്​തീനി അഭയാര്‍ഥി ഏജന്‍സിക്ക്​ സഹായഹസ്‌തവുമായി യു.എസ്​ പ്രസിഡന്‍റ്​ ജോ ബൈഡന്‍. ഇസ്രായേല്‍ സമ്മര്‍ദങ്ങള്‍ക്ക്​ വഴങ്ങി 2018ല്‍ മുന്‍ പ്രസിഡന്‍റ്​ ഡോണള്‍ഡ്​ ട്രംപ്​ നിര്‍ത്തലാക്കിയ യു.എസ്​ സഹായ ഫണ്ടാണ്​ വീണ്ടും നല്‍കാന്‍ തീരുമാനം. ആദ്യ ഗഡുവായി 15 ​േകാടി ഡോളര്‍ ഏജന്‍സിക്ക്​ അനുവദിക്കുമെന്​ യു.എസ്​ സ്​റ്റേറ്റ്​ സെക്രട്ടറി ആന്‍റണി ബ്ലി​ങ്കെന്‍ അറിയിച്ചു. വെസ്റ്റ്​ ബാങ്ക്​, ഗസ്സ എന്നിവക്കു പുറമെ പുറമെ ലബനാന്‍, ജോര്‍ഡന്‍ രാജ്യങ്ങളിലും മറ്റുമായി കഴിയുന്ന 57 ലക്ഷം ഫലസ്​തീനികള്‍ക്ക്​ സഹായവും മറ്റു സേവനങ്ങളും എത്തിച്ചുനല്‍കുന്നതാണ്​ യു.എന്നിനു കീഴിലെ ഫലസ്​തീന്‍ അഭയാര്‍ഥി ഏജന്‍സി.

പശ്​ചിമേഷ്യയിലും പരിസരങ്ങളിലുമായി കഴിയേണ്ടിവരുന്ന അഭയാര്‍ഥികള്‍ക്ക്​ സഹായമെത്തിക്കുന്ന സംരംഭത്തില്‍ യു.എസ്​ പങ്കാളിത്തം സ്വാഗതം ചെയ്യുന്നതായി ഏജന്‍സി കമീഷണര്‍ ജനറല്‍ ഫിലിപ്​ ലസാറിനി പറഞ്ഞു. 15 കോടിക്ക്​ പുറമെ അധിനിവിഷ്​ട വെസ്റ്റ്​ ബാങ്കിലെയും ഗസ്സയിലെയും ഫലസ്​തീനികള്‍ക്ക്​ 7.5 കോടി ഡോളര്‍ പുനര്‍നിര്‍മാണ സഹായവും ഒരു കോടി ഡോളര്‍ സമാധാന പാലന പദ്ധതികള്‍ക്കും യു.എസ്​ നല്‍കും. ജനുവരി 20ന്​ അധികാരമേറിയ ജോ ബൈഡന്‍ ഫലസ്​തീനികളുമായി പുതിയ ബന്ധം ആരംഭിക്കുമെന്ന്​ പ്രഖ്യാപിച്ചിരുന്നു. ഏറെയായി ഇസ്രായേലുമായി യു.എസ്​ ഉറ്റ ബന്ധം നിലനിര്‍ത്തുന്നുണ്ടെങ്കിലും ട്രംപ്​ അത്​ കൂടുതല്‍ ശക്​തമാക്കുകയും ഇസ്രായേലിലെ യു.എസ്​ എംബസി ടെല്‍ അവീവില്‍നിന്ന്​ ജറൂസലമിലേക്ക്​ മാറ്റുകയും ചെയ്​തിരുന്നു.

Read Also: കോവിഡിനെതിരെയുള്ള പോരാട്ടം ശക്തമാക്കി രാജ്യം; പ്രധാനമന്ത്രി രണ്ടാം വാക്‌സിൻ ഡോസ് സ്വീകരിച്ചു

ബിന്‍യമിന്‍ നെതന്യാഹുവുമായി അടുത്ത ബന്ധം സ്​ഥാപിച്ചും ട്രംപ്​ സൗഹൃദം സുദൃഢമാക്കി. മറുവശത്ത്​, ഫലസ്​തീന്‍ അതോറിറ്റിയുമായി എല്ലാ ബന്ധവും അവസാനിപ്പിക്കുകയും സാമ്പത്തിക സഹായം വിലക്കുകയും ചെയ്​തു. ഇസ്രായേലുമായി എല്ലാ ചര്‍ച്ചകള്‍ക്കും സഹകരിക്കണമെന്നായിരുന്നു ആവശ്യം. എന്നാല്‍, സ്വതന്ത്ര രാജ്യമെന്ന തങ്ങളുടെ പതിറ്റാണ്ടുകളായുള്ള ആവശ്യം നിരാകരിക്കുന്നതാണ്​ ഇസ്രായേല്‍ സമീപനമെന്നും അതിനോട്​ സഹകരിക്കാനാവില്ലെന്നും ഫലസ്​തീനി നേതൃത്വം പറയുന്നു. തങ്ങള്‍ രാജ്യ തലസ്​ഥാനമായി ആവശ്യപ്പെടുന്ന ജറൂസലമിലേക്ക്​ ഇസ്രായേല്‍ എംബസി മാറ്റിയ ട്രംപിന്‍റെ കാര്‍മികത്വത്തില്‍ അറബ്​ രാജ്യങ്ങളും ഇസ്രായേലും തമ്മിലെ ബന്ധം സാധാരണ നിലയിലാക്കുകയും ചെയ്​തിരുന്നു. 1948ല്‍ ഇസ്രായേല്‍ ആട്ടിപ്പായിച്ച ഏഴു ലക്ഷം ഫലസ്​തീനികളുടെ കുടുംബങ്ങള്‍ക്കാണ്​ യു.എന്‍ ഏജന്‍സി പ്രധാനമായും സഹായം നല്‍കുന്നത്​.

shortlink

Related Articles

Post Your Comments


Back to top button