കോവിഡ്; ലക്ഷങ്ങൾ ചിലവാക്കി സ്വന്തം വിമാനങ്ങളിലും വാടകയ്ക്കെടുത്തും വിദേശ​ത്തേക്ക്​ പറന്ന്​ അതിസമ്പന്നർ

 മുംബൈ: കോവിഡ് രണ്ടാം തരംഗത്തിൽ രാജ്യം കഷ്ടപ്പെടുമ്പോൾ ലക്ഷങ്ങൾ മുടക്കി സ്വകാര്യ ജെറ്റ് വിമാനങ്ങളിലും വാടകയ്‌ക്കെടുത്തതും ഗൾഫ് നൗകളിലേക്ക് കടക്കുന്ന അതിസമ്പന്നരുടെ എണ്ണം അതിവേഗം കുതിക്കുകയാണെന്ന്​ കണക്കുകൾ. സ്വകാര്യ ജെറ്റുകൾ വാടകക്കെടുക്കുന്നവരുടെ എണ്ണം വർധിച്ചു. ചാർട്ടർ വിമാന സേവന ദാതാക്കളായ എയർ ചാർട്ടർ സർവീസ്​ ഇന്ത്യ വക്​താവിനെ ഉദ്ധരിച്ച്​ ബിസിനസ്​ ഇൻസൈഡർ ആണ് ഇക്കാര്യം റിപ്പോർട്ട്​ ചെയ്തിരിക്കുന്നത്.

ഒരു ലക്ഷം പൗണ്ട് (511,000 ദിർഹം) നൽകിയാണ് അതിസമ്പന്നർ മറ്റു രാജ്യങ്ങളിലേക്ക് കടന്നിരിക്കുന്നത്. ഏപ്രിൽ 23 ന് പുലർച്ചെ 4 മണിക്ക് ഇന്ത്യയെ രാജ്യത്തിന്റെ ‘ചുവന്ന പട്ടികയിൽ’ ഉൾപ്പെടുത്തുന്നതായി യു കെ അറിയിച്ചിരുന്നു. ഇതിനു മിനിറ്റുകൾക്ക് മുമ്പ് എട്ട് ആഡംബര ജെറ്റുകളാണ് യുകെയിൽ ലാൻഡ് ചെയ്തത്.

Also Read:എറണാകുളത്ത് കോവിഡ് മാനദണ്ഡങ്ങള്‍ കാറ്റില്‍ പറത്തി ഏവിയേഷന്‍ ക്ലാസ്; സ്ഥാപനം പൂട്ടിച്ച് പോലീസ്

13 സീറ്റർ വിസ്ത ജെറ്റ് ബോംബാർഡിയർ ഗ്ലോബൽ 6000 എന്ന ആഡംബര വിമാനം യാത്രക്കാരെ സ്വീകരിക്കുന്നതിനായി ദുബായിൽ നിന്നും മുംബൈയിൽ എത്തിയിരുന്നു. യാത്രാ നിരോധനം പ്രാബല്യത്തിൽ വരുന്നതിന് 45 മിനിറ്റ് മുമ്പ് ഏപ്രിൽ 23 ന് പുലർച്ചെ 3: 15 ന് ഈ വിമാനം ലണ്ടനിലെ ല്യൂട്ടൺ വിമാനത്താവളത്തിലെത്തി. ഇതുകൂടാതെ ശനിയാഴ്ച മാത്രം കമ്പനിയുടെ 12 സർവീസുകളാണ്​ ദുബായിലേക്ക്​ നിറയെ യാത്രക്കാരുമായി പോയത്. യാത്രക്കാരുടെ ആവശ്യം കൂടിയതോടെ വിദേശങ്ങളിൽ നിന്ന്​ വിമാനങ്ങൾ എത്തിച്ച്​ ആവശ്യം പൂർത്തിയാക്കുകയാണ് ചെയ്തതത്.

രണ്ടാംതരംഗത്തിൽ കോവിഡ്​ ബാധ വേഗത്തിൽ കുതിക്കുകയും വിമാന സർവീസുകൾ നിർത്തലാക്കുകയും ചെയ്തതോടെയാണ് ​രോഗത്തിൽ നിന്ന്​ രക്ഷ തേടി സ്വന്തം വിമാനങ്ങളിലും വാടകക്കെടുത്തും വിദേശ​ങ്ങള​ലേക്ക് അതിസമ്പന്നർ പറന്നത്. ഞായറാഴ്ച മാത്രം 349,691 ആയിരുന്നു ഇന്ത്യയിൽ പുതിയ രോഗികൾ. മരണം 2,767ഉം.