കോവിഡിന്റെ മരുന്നുകളും ഇഞ്ചക്ഷനുകളും ബ്ലാക്കിൽ: ഡോക്ടർ ഉൾപ്പെടെ 3 പേർ യുപിയിൽ അറസ്റ്റിൽ, കണ്ടെടുത്തത് ലക്ഷങ്ങൾ

ഗാസിയാബാദ്: ഉത്തർപ്രദേശിൽ വൻതോതിൽ മരുന്ന് കൊള്ള നടത്തി ഡോക്ടർമാർ ഉൾപ്പെടുന്ന സംഘം. കോവിഡിന്റെ അവശ്യ മരുന്നായ റെംഡെസിവിർ കുത്തിവയ്പ്പുകളും മരുന്നുകളുമായി ഏപ്രിൽ 27 ന് ഗാസിയാബാദ് പോലീസും ക്രൈംബ്രാഞ്ച് സംഘവും പ്രശസ്ത ന്യൂറോ സർജൻ മുഹമ്മദ് അൽതമാഷിനെയും മറ്റു രണ്ടുപേരെയും അറസ്റ്റ് ചെയ്യുകയായിരുന്നു. റിപ്പോർട്ടുകൾ പ്രകാരം ഹസ്രത്ത് നിസാമുദ്ദീൻ നിവാസിയായ ഡോ. മുഹമ്മദ് അൽതമാഷ് എയിംസിൽ വളരെക്കാലം സേവനമനുഷ്ഠിക്കുകയും ഗാസിയാബാദിൽ ഒരു ക്ലിനിക് നടത്തുകയുമാണ്.

ഇവരിൽ നിന്ന് 70 റെംഡെസിവിർ കുത്തിവയ്പ്പുകളും രണ്ട് ആക്ടെമ്ര കുത്തിവയ്പ്പുകളും 36 ലക്ഷം രൂപയും പോലീസ് കണ്ടെടുത്തു. ഡോ. അൽതമാഷിന്റെ ഉടമസ്ഥതയിലുള്ള ആഡംബര കാറും പോലീസ് പിടിച്ചെടുത്തു.മൂന്ന് ദിവസം മുമ്പ് ഡോക്ടർമാരുടെ സംഘത്തെക്കുറിച്ച് വിവരം ലഭിച്ചതായി ക്രൈംബ്രാഞ്ചിന്റെ ചുമതലയുള്ള സഞ്ജയ് പാണ്ഡെ പ്രസ്താവനയിൽ പറഞ്ഞു. ഒരു പെൺകുട്ടി അവരെ സമീപിച്ച് 48,000 രൂപയ്ക്ക് ഈ സംഘത്തിൽ നിന്ന് ഒരു കുത്തിവയ്പ്പ് വാങ്ങിയതായി അറിയിച്ചിരുന്നു.

#GhaziabadPolice थाना कोतवाली नगर व स्वाट टीम की संयुक्त कार्यवाही में जीवनदायिनी इन्जेक्शन रेमेडीसीवर की काला बाजारी करने वाले 03 अभियुक्त गिरफ्तार, कब्जे से 70 रेमेडीसीवर इन्जेक्शन, 02 अक्टेमरा इन्जेक्शन व इन्जेक्शनों की कालाबाजारी से अर्जित 36 लाख10 हजार रूपये बरामद@Uppolice pic.twitter.com/2qMe39rdGA

— GHAZIABAD POLICE (@ghaziabadpolice) April 27, 2021

read also: മഹാരാഷ്ട്രയെ തകർത്തെറിഞ്ഞ വൈറസ് വകഭേദം കോട്ടയത്തും ; കർശന നിയന്ത്രണങ്ങളുമായി സർക്കാർ

തുടർന്നാണ് പോലീസ് ഇവരെ നിരീക്ഷിക്കാൻ തുടങ്ങിയത്. ഒറ്റ ദിവസം മാത്രം 35 ലക്ഷത്തിലധികം രൂപയാണ് ഇവർ സമ്പാദിച്ചത്. ചോദ്യം ചെയ്യലിൽ കൈല ഭട്ട നിവാസിയായ കുമൈൽ അക്രം എന്ന ഡോ. അൽതമാഷിന്റെ ഒരു കൂട്ടാളിയെ പോലീസ് പിടികൂടി.

थाना कोतवाली नगर व स्वाट टीम की संयुक्त कार्यवाही मे रेमेडीसीवर इन्जेक्शन की काला बाजारी करने वाले 03 अभियुक्त गिरफ्तार, कब्जे से 70 रेमेडीसीवर इन्जेक्शन, 2 अक्टेमरा इन्जेक्शन व इन्जेक्शनों की कालाबाजारी से अर्जित 36 लाख 10 हजार रू0 बरामद करने के संबंध में SP CITY की वीडियो बाईट pic.twitter.com/qWamDTLwJN

— GHAZIABAD POLICE (@ghaziabadpolice) April 27, 2021

ചോദ്യം ചെയ്യലിൽ ഇന്ദുവാഡ നിവാസിയായ ജാസിബ് എന്നയാൾ ദില്ലിയിൽ നിന്ന് ന്യായമായ വിലയ്ക്ക് കുത്തിവയ്പ് വാങ്ങുകയും ഇവർക്ക് ബ്ലാക്കിൽ വിൽക്കുന്നതിനായി ബൾക്കായി നൽകിയതായും കണ്ടെത്തി. ഡോ. അൽതമാഷിനെ റാക്കറ്റിൽ ഉൾപ്പെടുത്തിയ വിവരം അറിയിച്ച ജാസിബിനെ പോലീസ് അറസ്റ്റ് ചെയ്തു.