മുംബൈ: തെരുവ് നായയെ തല്ലിക്കൊന്ന പതിനേഴുകാരനെതിരെ കേസ് എടുത്തു. അച്ഛനെ കടിച്ചതിന്റെ പ്രതികാരമായാണ് യുവാവ് നായയെ തല്ലിക്കൊന്നത്. മുംബൈയിലെ സാന്തക്രൂസിലാണ് സംഭവം.
സംഭവത്തിന് പിന്നാലെ മൃഗസ്‌നേഹികളുടെ സംഘടനയായ ‘പെറ്റ’ യുവാവിനെതിരെ പോലീസില്‍ പരാതി നല്‍കി. തുടര്‍ന്നാണ് പതിനേഴുകാരനെതിരെ കേസ് എടുത്തത്. രണ്ട് മാസം മുന്‍പ് ഇതേ നായ പതിനേഴുകാരന്റെ അച്ഛനെ കടിച്ചെന്നും അതിന്റെ പ്രതികാരമായാണ് യുവാവ് നായയെ തല്ലിക്കൊന്നത് എന്നുമാണ് എഫ്‌ഐആറില്‍ പറയുന്നത്.
പതിനേഴുകാരന്റെ ആക്രമണത്തില്‍ ഗുരുതരമായി പരിക്കേറ്റ് റോഡില്‍ കിടന്ന നായയെ ചില മൃഗ സ്‌നേഹികള്‍ മുംബൈയിലെ സൊസൈറ്റി ബിഎസ്പിസിഎയില്‍ എത്തിച്ചെങ്കിലും രക്ഷിക്കാനായില്ല. മൃഗങ്ങള്‍ക്കെതിരായ ക്രൂരത തടയുന്ന നിയമത്തിലെ 429-ാം വകുപ്പ് ചുമത്തിയാണ് യുവാവിനെതിരെ പോലീസ് കേസ് എടുത്തത്.
Post Your Comments