മുംബൈ: ശിവസേന സർക്കാരിന് തിരിച്ചടി. മുന്‍ മുംബൈ പൊലീസ് കമ്മീഷണര്‍ പരംബീര്‍ സിംഗ് നടത്തിയ വെളിപ്പെടുത്തൽ ശിവസേന-കോണ്‍ഗ്രസ്-എന്‍സിപി സര്‍ക്കാരിനു തലവേദനയാകുന്നു. എന്‍സിപി നേതാവും മഹാരാഷ്ട്ര ആരോഗ്യമന്ത്രിയുമായ അനില്‍ ദേശ്മുഖിനെതിരായ ആരോപണം പിന്‍വലിക്കാന്‍ ആവശ്യപ്പെട്ട് ഡിജിപി തന്നെ നേരില്‍ സമീപിച്ചുവെന്നാണ് പരംബീര്‍ സിംഗിന്റെ വെളിപ്പെടുത്തൽ.
മഹാരാഷ്ട്ര സര്‍ക്കാര്‍ പരംബീര്‍ സിംഗിനെതിരെ ഉത്തരവിട്ട അന്വേഷണം പിന്‍വലിക്കാന്‍ താന്‍ സഹായിക്കാമെന്നും അതിന് ആദ്യം അനില്‍ ദേശ്മുഖിനെതിരായ ആരോപണം പിന്‍വലിക്കാനുമായിരുന്നു മഹാരാഷ്ട്ര ഡിജിപി സഞ്ജയ് പാണ്ഡെ ആവശ്യപ്പെട്ടതെന്നാണ് പരംബീര്‍ സിംഗ് പറയുന്നു. അനില്‍ ദേശ്മുഖിനെതിരെ നടക്കുന്ന സിബി ഐ അന്വേഷണം ഏത് വിധേനെയും അട്ടിമറിക്കാന്‍ മഹാരാഷ്ട്ര സര്‍ക്കാര്‍ ശ്രമിക്കുന്നതായും ചൂണ്ടിക്കാട്ടി പരംബീര്‍ സിംഗ് സിബിഐയ്ക്ക് കത്തയച്ചു. ഇതോടെ വീണ്ടും മഹാരാഷ്ട്ര സര്‍ക്കാര്‍ പ്രതിക്കൂട്ടിലാവുകയാണ്.
Post Your Comments