മുംബൈ : രാജ്യത്ത് കോവിഡ്-19 ന്റെ രണ്ടാം തരംഗം കൂടുതല്‍ വ്യാപിച്ചതോടെ ഇന്ത്യയ്ക്ക് കൈത്താങ്ങുമായി റിലയന്‍സ് ഗ്രൂപ്പ് രംഗത്ത് എത്തി. മെഡിക്കല്‍ ഗ്രേഡ് ലിക്വിഡ് ഓക്‌സിജന്റെ ഇന്ത്യയിലെ ഏറ്റവും വലിയ നിര്‍മ്മാതാവായി മാറിയെന്ന് റിലയന്‍സ് ഇന്‍ഡസ്ട്രീസ് ലിമിറ്റഡ് അറിയിച്ചു. മെഡിക്കല്‍ ഗ്രേഡ് ഓക്‌സിജന്റെ ഉത്പ്പാദനം പ്രതിദിനം പൂജ്യത്തില്‍ നിന്ന് 1,000 മെട്രിക് ടണ്ണായി വര്‍ദ്ധിപ്പിച്ചതായും സംസ്ഥാനങ്ങളിലും കേന്ദ്രഭരണ പ്രദേശങ്ങളിലും ഇത് വേഗത്തില്‍ വിതരണം ചെയ്യുമെന്നും ആര്‍ഐഎല്‍ അറിയിച്ചു.
Read Also :ഓക്സിജൻ ലഭിച്ചില്ല ; ഡൽഹിയിൽ ഡോക്ടർ അടക്കം എട്ടുപേർ മരിച്ചു
‘പരമ്പരാഗതമായി, മെഡിക്കല്‍ ഗ്രേഡ് ലിക്വിഡ് ഓക്‌സിജന്റെ നിര്‍മ്മാതാവല്ല റിലയന്‍സ്. എന്നിരുന്നാലും, പകര്‍ച്ചവ്യാധി കാലത്ത് റിലയന്‍സ് ഇന്‍ഡസ്ട്രീസ് ഇപ്പോള്‍ ഒരൊറ്റ സ്ഥലത്ത് നിന്ന് ഓക്‌സിജന്റെ ഇന്ത്യയിലെ ഏറ്റവും വലിയ നിര്‍മ്മാതാവായി മാറിയിരിക്കുന്നു’ . ആര്‍ഐഎല്‍ ഒരു മാദ്ധ്യമ പ്രസ്താവനയില്‍ പറഞ്ഞു.
”ജാംനഗറിലെ റിഫൈനറി-കം-പെട്രോകെമിക്കല്‍ കോംപ്ലക്‌സിലും മറ്റ് സൗകര്യങ്ങളിലും, ആര്‍ഐഎല്‍ ഇപ്പോള്‍ പ്രതിദിനം 1,000 മെട്രിക് ടണ്‍ മെഡിക്കല്‍ ഗ്രേഡ് ലിക്വിഡ് ഓക്‌സിജന്‍ ഉത്പ്പാദിപ്പിക്കുന്നു – ഇന്ത്യയുടെ മൊത്തം ഉല്‍പാദനത്തിന്റെ 11 ശതമാനത്തിലധികം ആണിത്, പത്ത് രോഗികളില്‍ ഓരോരുത്തരുടെയും ആവശ്യങ്ങള്‍ നിറവേറ്റാനാകും,” കമ്പനി കൂട്ടിച്ചേര്‍ത്തു. ഓരോ ദിവസവും ഒരു ലക്ഷത്തിലധികം രോഗികള്‍ക്ക് ഉടനടി ആശ്വാസം പകരുന്നതിനായി ഇന്ത്യയിലുടനീളമുള്ള നിരവധി സംസ്ഥാനങ്ങള്‍ക്ക് ഈ ഓക്‌സിജന്‍ സൌജന്യമായി നല്‍കുന്നുണ്ടെന്ന് ആര്‍ഐഎല്‍ അറിയിച്ചു. ”
Post Your Comments