ന്യൂഡല്‍ഹി: ബംഗാളിൽ ബിജെപിയ്ക്ക് അധികാരം ലഭിക്കാത്തതിൽ നിരാശനായി പാർട്ടി നേതാവ് മുകുള്‍ റോയ് തൃണമൂല്‍ കോണ്‍ഗ്രസിലേക്ക് മടങ്ങുകയാണെന്ന തരത്തിൽ റിപ്പോര്‍ട്ടുകള്‍. വെള്ളിയാഴ്ച നടന്ന ബി.ജെ.പി നിയമസഭ സമാജികരുടെ സുപ്രധാന യോഗത്തില്‍ എത്താതിരുന്നതോടെയാണ് മുകുള്‍ റോയ് പാര്‍ട്ടി വിട്ട് തൃണമൂലിലേക്ക് ചേക്കേറുന്നതായി അഭ്യൂഹങ്ങള്‍ ഉയര്‍ന്നത്. എന്നാൽ ഇത്തരം പ്രചാരണങ്ങൾ തീർത്തും വാസ്തവവിരുദ്ധമാണെന്നു വ്യക്തമാക്കി രംഗത്ത് എത്തിയിരിക്കുകയാണ് മുകൾ റോയ്.
read also:കല്ലും കുപ്പികളും വലിച്ചെറിഞ്ഞു, ആരാധനാലയത്തിൽ സംഘര്‍ഷം; നിരവധി പേര്‍ക്ക് പരിക്ക്
ബംഗാളില്‍ ജനാധിപത്യം പുനസ്ഥാപിക്കാനായി പൊരുതുന്ന ബി.ജെ.പി സൈനികനായി തുടരുമെന്ന് മുകൾ റോയ് പറഞ്ഞു. ‘നമ്മുടെ സംസ്ഥാനത്ത് ജനാധിപത്യം പുനസ്ഥാപിക്കുന്നതിനായി ബി.ജെ.പിയുടെ പടയാളിയായി പോരാട്ടം തുടരും. ഊഹക്കച്ചവടങ്ങള്‍ അവസാനിപ്പിക്കാന്‍ എല്ലാവരോടും അഭ്യര്‍ഥിക്കുന്നു. എന്റെ രാഷ്ട്രീയ പാതയില്‍ ഞാന്‍ ദൃഢനിശ്ചയത്തിലാണ്’-മുകുള്‍ റോയ് ട്വീറ്റ് ചെയ്തു.
മുകുള്‍ റോയ്യുടെ പ്രസ്താവന സ്‌തുത്യര്‍ഹമാണെന്ന് ബി.ജെ.പി ദേശീയ പ്രസിഡന്‍റ് ജെ.പി. നഡ്ഡ അഭിപ്രായപ്പെട്ടു. ബംഗാള്‍ നിയമസഭയില്‍ പ്രതിപക്ഷ നേതൃ സ്ഥാനത്തേയ്ക്ക് പരിഗണിക്കുന്ന നേതാവ് കൂടിയാണ് മുകുള്‍ റോയ്.
Post Your Comments