കാസര്‍കോട് : കേരളത്തിലേക്കുള്ള മെഡിക്കല്‍ ഓക്സിജന്‍ വിതരണത്തിന് വിലക്ക് ഏര്‍പ്പെടുത്തി കര്‍ണാടക. ശനിയാഴ്ച മംഗളൂരുവിലെ പ്ലാന്‍റില്‍ ഓക്സിജന്‍ എടുക്കാന്‍ എത്തിയപ്പോഴാണ് വിലക്ക് വിവരം പുറത്തറിഞ്ഞത്. ദക്ഷിണ കന്നട ജില്ല ഡെപ്യൂട്ടി കമീഷണറുടെ ഉത്തരവ് ചൂണ്ടിക്കാട്ടി ഓക്സിജന്‍ നല്‍കാന്‍ കഴിയില്ലെന്നാണ് പ്ലാന്‍റ് അധികൃതര്‍ അറിയിച്ചത്.
Read Also : പ്രതികളെ ഉള്‍പ്പെടുത്തി ട്രോള്‍ വീഡിയോ ; വിവാദമായതോടെ വീഡിയോകൾ പിൻവലിച്ച് പോലീസ്
മംഗളൂരു ബൈകമ്ബാടി മലബാര്‍ ഓക്സിജന്‍ പ്ലാന്‍റില്‍നിന്നാണ് കാസര്‍കോട് ഉള്‍പ്പെടെ ഏതാനും വടക്കന്‍ ജില്ലകളിലേക്ക് ഓക്സിജന്‍ ഇറക്കുന്നത്. കാസര്‍കോട്ടെ സ്വകാര്യ ആശുപത്രികളില്‍ ഭൂരിഭാഗവും ഓക്സിജന്‍ കൊണ്ടുവരുന്നതും ഈ പ്ലാന്‍റില്‍നിന്നാണ്.
കാസര്‍കോട് ജില്ലയിലെ ഏതാനും സ്വകാര്യ ആശുപത്രികളുടെ പ്രതിനിധികള്‍ ശനിയാഴ്ച പതിവുപോലെ ഓക്സിജന്‍ സിലിണ്ടറുകള്‍ എടുക്കാന്‍ എത്തിയപ്പോഴാണ് വിലക്ക് ചൂണ്ടിക്കാട്ടി ഓക്സിജന്‍ നിഷേധിച്ചത്. കര്‍ണാടകയില്‍ ഓക്സിജന്‍ ക്ഷാമമുണ്ടെന്നും ഇതര സംസ്ഥാനങ്ങളിലേക്ക് കൊടുക്കരുതെന്ന് സര്‍ക്കാര്‍ നിര്‍ദേശമുണ്ടെന്നും പ്ലാന്‍റ് അധികൃതര്‍ അറിയിച്ചു.
Post Your Comments