ന്യൂഡല്‍ഹി: ഭാര്യ സഫ ബെയ്ഗിന്റെ ചിത്രം അവ്യക്തമാക്കിയ സംഭവത്തില്‍ മുന്‍ ഇന്ത്യന്‍ ക്രിക്കറ്റ് താരം ഇര്‍ഫാന്‍ പത്താന് നേരെ വിമര്‍ശനങ്ങളും വിദ്വേഷ പോസ്റ്റുകളും പ്രത്യക്ഷപ്പെട്ടിരുന്നു. ഇതിനെതിരെ പ്രതികരണവുമായി രംഗത്തെത്തിയിരിക്കുകയാണ് ഇർഫാൻ.
ഇർഫാന്റെ മകന്റെ ഇന്‍സ്റ്റഗ്രാം അക്കൗണ്ടില്‍ പങ്കുവെച്ച ചിത്രമാണ് ഈ വിവാദങ്ങള്‍ക്കെല്ലാം തുടക്കമിട്ടത്. ഭാര്യയുടെ മുഖം കാണിക്കാന്‍ താരം അനുവദിക്കുന്നില്ലെന്ന് തുടങ്ങി ഒരുപാട് വിമർശനങ്ങൾ ഉണ്ടായിരുന്നു ചിത്രത്തിന് താഴെ. എന്നാല്‍ വിമർശനങ്ങൾക്ക് മറുപടിയുമായി താരം ഇപ്പോൾ രംഗത്തെത്തിയിരിക്കുകയാണ്.
This picture is posted by my queen from my son’s account. We are getting lot of hate.Let me post this here as well.She blurred this pic by her choice. And Yes,I’m her mate not her master;). #herlifeherchoice pic.twitter.com/Xy6CB2kKWA
— Irfan Pathan (@IrfanPathan) May 25, 2021
മുഖം മായ്ച്ച്‌ കളഞ്ഞത് അവളുടെ ഇഷ്ടപ്രകാരമാണെന്നും ഞാന്‍ അവളുടെ അധിപനല്ല മറിച്ച്‌ പങ്കാളിയാണെന്നായിരുന്നു പത്താന് ട്വിറ്ററില്‍ കുറിച്ചത്.
‘എന്റെ മകന്റെ അക്കൗണ്ടില്‍നിന്ന് ഭാര്യ തന്നെയാണ് ആ ചിത്രം പങ്കുവെച്ചത്. അതിന്റെ പേരില്‍ വലിയ രീതിയില്‍ വിദ്വേഷ പ്രചാരണം നടക്കുന്നുണ്ട്. ആ ചിത്രം ഞാന്‍ ഇവിടെ പോസ്റ്റ് ചെയ്യുന്നു. ഇതില്‍ തന്റെ മുഖം അവള്‍ മായ്ച്ച്‌ കളഞ്ഞത് സ്വന്തം ഇഷ്ടപ്രകാരമാണ്. ഞാന്‍ അവളുടെ അധിപനല്ല, പങ്കാളിയാണെന്ന് ഓര്‍മിപ്പിക്കുന്നു’ -വിവാദ ചിത്രം പങ്കുവെച്ച്‌ ഇര്‍ഫാന്‍ ട്വിറ്ററില്‍ കുറിച്ചു.
Post Your Comments