ന്യൂഡല്‍ഹി : കഴിഞ്ഞ ദിവസം വാക്സിന്‍ നയത്തില്‍ മാറ്റം വരുത്തിയതിന് പിന്നാലെയാണ് ചെലവ് ചുരുക്കാന്‍ ആവശ്യപ്പെട്ട് വിവിധ മന്ത്രാലയങ്ങള്‍ക്കും ഡിപ്പാര്‍ട്ട്മെന്‍റുകള്‍ക്കും ധനകാര്യമന്ത്രാലയം കത്ത് നല്‍കിയത്. വാക്സിന്‍ നല്‍കാനായി 35,000 കോടിയാണ് ബജറ്റില്‍ വകയിരുത്തിയത്. എന്നാല്‍, ഇതിന് ഏകദേശം 50,000 കോടി ചെലവാകുമെന്നാണ് കണക്കാക്കുന്നത്. ഇതിന് പുറമേ സൗജന്യ റേഷന് ഒരു ലക്ഷം കോടിയും വേണം. ദീപാവലി വരെ സൗജന്യ റേഷന് നല്‍കുമെന്നാണ് കേന്ദ്രസര്‍ക്കാര്‍ പ്രഖ്യാപനം.
Read Also : ബിഗ് സേവിംഗ് ഡെയ്‌സ് : വമ്പൻ ഓഫറുകൾ പ്രഖ്യാപിച്ച് ഫ്ലിപ്പ്കാർട്ട്
ചെലവ് ചുരുക്കാനുള്ള കര്‍ശന നിര്‍ദേശങ്ങളുമായി വിവിധ മന്ത്രാലയങ്ങള്‍ക്കും ഡിപ്പാര്‍ട്ടുമെന്‍റുകള്‍ക്കും ധനകാര്യമന്ത്രാലയം നിര്‍ദേശം നല്‍കി. അത്യാവശ്യമല്ലാത്ത ചെലവുകള്‍ പരമാവധി ഒഴിവാക്കണമെന്ന് ധനകാര്യമന്ത്രാലയം പുറത്തിറക്കിയ കുറിപ്പില്‍ വ്യക്തമാക്കുന്നു.
ഓവര്‍ ടൈം അലവന്‍സ്, വിദേശ-അഭ്യന്തര വിമാന യാത്ര, ഓഫീസ് ചെലവ്, ഭരണനിര്‍വഹണ ചെലവ്, പരസ്യം, ഗ്രാന്‍റുകള്‍, പബ്ലിസിറ്റി എന്നിവയിലെല്ലാം നിയന്ത്രണം വേണമെന്നാണ് ധനകാര്യമന്ത്രാലയത്തിന്റെ നിര്‍ദേശം. പദ്ധതിയേതര ചെലവ് പൂര്‍ണമായും ഒഴിവാക്കണം. പദ്ധതി ചെലവില്‍ 20 ശതമാനത്തിന്റെയെങ്കിലും കുറവ് വരുത്തണമെന്ന് ധനകാര്യമന്ത്രാലയം വ്യക്തമാക്കുന്നു.
Post Your Comments