ചീരഞ്ചിറ: അമേരിക്കയില്‍ യുവമലയാളി എഞ്ചിനീയറും മൂന്ന് വയസ്സുള്ള മകനും കടലില്‍ മുങ്ങിമരിച്ചതായി റിപ്പോര്‍ട്ട്. ചീരഞ്ചിറ പുരയ്ക്കല്‍ പരേതനായ ബേബി മാത്യുവിന്റെയും മേരിക്കുട്ടിയുടെയും മകന്‍ ജാനേഷ് (37), മകന്‍ ഡാനിയല്‍ (3) എന്നിവരാണ് കടലില്‍ കളിക്കുന്നതിനിടെ മുങ്ങി മരിച്ചത്. വെള്ളിയാഴ്ച (ജൂൺ -11) രാത്രിയിലായിരുന്നു സംഭവം.
ഐ.ടി എന്‍ജിനീയറായ ജാനേഷ് കുടുംബസമേതം ഫ്‌ളോറിഡയിലെ ടാംപയിലാണ് താമസിക്കുന്നത്. ഭാര്യ അനീറ്റ സ്വകാര്യ ആശുപത്രിയില്‍ നഴ്‌സിങ് സൂപ്രണ്ടാണ്. 8 മാസം പ്രായമുള്ള സ്റ്റെഫാനും മകനാണ്. ജോലി കഴിഞ്ഞ് എത്തിയ ജാനേഷ്, ഡാനിയലുമായി അപ്പോളോ ബീച്ചില്‍ പോയപ്പോഴാണ് അപകടമുണ്ടായതെന്നാണ് റിപ്പോര്‍ട്ട്. ഇവരെ രക്ഷപ്പെടുത്താന്‍ ശ്രമിച്ച മറ്റൊരാളും അപകടത്തില്‍പെട്ടതായും സൂചനയുണ്ട്. അപകടം സംബന്ധിച്ച മറ്റു വിവരങ്ങള്‍ നാട്ടിലുള്ള ബന്ധുക്കള്‍ക്ക് ലഭ്യമല്ല. സംഭവ സമയത്ത് ഭാര്യയും ഇളയ കുഞ്ഞും കൂടെ ഉണ്ടായിരുന്നോ എന്ന് വ്യക്തമല്ല.
Read Also: ക്ഷേത്രങ്ങളും ക്രൈസ്തവ ദേവാലയങ്ങളും തുറക്കാന് അനുമതി: ഉത്തരവുമായി ഒമാൻ
2019 അവസാനമാണ് ഇവര്‍ നാട്ടിലെത്തി മടങ്ങിയത്. ജാനേഷിന്റെ അമ്മ മേരിക്കുട്ടിയും അന്ന് ഇവര്‍ക്കൊപ്പം അമേരിക്കയിലേക്കു വന്നിരുന്നു. പഠനത്തിനായി അമേരിക്കയില്‍ എത്തിയ ജാനേഷ് പിന്നീട് ജോലി ലഭിച്ചതോടെ ഇവിടെ താമസമാക്കുകയായിരുന്നു.
Post Your Comments