കാൺപൂർ: തന്നെപ്പോലെ ഒരു സാധാരണക്കാരൻ രാജ്യത്തെ പരമോന്നത പദവിയിലെത്തുമെന്ന് ഒരിക്കലും കരുതിയിരുന്നില്ലെന്ന് രാഷ്ട്രപതി രാംനാഥ് കോവിന്ദ്. ഇന്ത്യയിലെ ജനാധിപത്യ സംവിധാനമാണ് അത് സാധ്യമാക്കിയതെന്ന് അദ്ദേഹം പറഞ്ഞു. ഉത്തർപ്രദേശിലുള്ള തന്റെ ജന്മനാട് സന്ദർശിക്കാനെത്തിയതായിരുന്നു രാഷ്ട്രപതി.
ഉത്തർപ്രദേശിലെ പൗരഖാണ് രാഷ്ട്രപതിയുടെ ജന്മദേശം. ജന്മനാടിന്റെ പ്രചോദനമാണ് ഹൈക്കോടതിയിൽ നിന്ന് സുപ്രീം കോടതിയിലേക്കും സുപ്രീം കോടതിയിൽ നിന്ന് രാജ്യസഭയിലേക്കും രാജ്യസഭയിൽ നിന്ന് രാജ്ഭവനിലേക്കും രാജ്ഭവനിൽ നിന്ന് രാഷ്ട്രപതി ഭവനിലേക്കും തന്നെ കൊണ്ടുപോയതെന്നും അദ്ദേഹം പറഞ്ഞു. ഈ അവസരത്തിൽ, രാജ്യത്തെ സ്വാതന്ത്ര്യ സമരസേനാനികളേയും ഭരണഘടനയുടെ കരട് സമിതിയേയും അവരുടെ ത്യാഗത്തിന്റേയും സംഭാവനയുടേയും പേരിൽ നമിക്കുന്നുവെന്ന് രാംനാഥ് കോവിന്ദ് വ്യക്തമാക്കി. താൻ എവിടെയെങ്കിലും എത്തിച്ചേർന്നെങ്കിൽ അതിന്റെ ബഹുമതി ഈ ഗ്രാമത്തിന്റെ മണ്ണിനും എല്ലാവരുടെയും സ്നേഹത്തിനും അനുഗ്രഹത്തിനുമാണെന്നും അദ്ദേഹം കൂട്ടിച്ചേർത്തു.
Read Also: ഭര്‍തൃപീഡനം: കൊല്ലത്ത് മറ്റൊരു യുവതി കൂടി ജീവനൊടുക്കി: ഭർത്താവ് ഒളിവിൽ
Post Your Comments