രോഗികളും കൂട്ടിരിപ്പുകാരും ഞെട്ടി: ആശുപത്രിയുടെ അഞ്ചാം നിലയില്‍ ഓട്ടോറിക്ഷയുമായി ഡ്രൈവര്‍, കാരണം ഇതാണ്

ഭോപ്പാല്‍: ആശുപത്രിയുടെ അഞ്ചാം നിലയിലേയ്ക്ക് ഓട്ടോറിക്ഷ ഓടിച്ചുകയറ്റി ഡ്രൈവര്‍. മധ്യപ്രദേശിലെ ഛിന്ദ്വാര ജില്ലാ ആശുപത്രിയിലാണ് സംഭവം. ഇതിന്റെ ചിത്രങ്ങളും വീഡിയോയും സമൂഹ മാധ്യമങ്ങളില്‍ വലിയ രീതിയില്‍ പ്രചരിക്കുന്നുണ്ട്.

Also Read: ഹൈക്കോടതിയെ ചോദ്യം ചെയ്ത് വിജയ്: രണ്ടാമത്തെ ഹർജിയിലും ആഡംബര വാഹനത്തിൽ നികുതിയിളവ് വേണമെന്ന് ആവശ്യം

ആശുപത്രിയിലേയ്ക്ക് സാധനങ്ങളുമായി എത്തിയ ഓട്ടോറിക്ഷയാണ് അവസാനം അഞ്ചാം നിലയില്‍ എത്തിയത്. സാധനം ഇറക്കാന്‍ ആരെയും കാണാത്തതിനാലാണ് താന്‍ ഓട്ടോറിക്ഷ അഞ്ചാം നിലയിലേയ്ക്ക് എത്തിച്ചതെന്ന വിചിത്രമായ വിശദീകരണമാണ് ഓട്ടോ ഡ്രൈവര്‍ നല്‍കിയത്. സാധനം ഇറക്കാനായി കുറേ സമയം കാത്തുനിന്നെന്നും ആരെയും കാണാത്തതിനാല്‍ ദേഷ്യം വന്നെന്നും ഡ്രൈവര്‍ പറഞ്ഞു.

Madhya Pradesh: A person drove an autorickshaw up to 5th floor of Chhindwara district hospital. While coming down, it stuck on the ramp, causing inconvenience to patients. A video went viral on social media on Sunday. Hospital administration has ordered probe. pic.twitter.com/xNmpA3Aj8H

— Free Press Journal (@fpjindia) July 18, 2021

രോഗികളെ സ്ട്രക്ചറില്‍ കൊണ്ടുപോകാനുള്ള പ്രത്യേക റാംപിലൂടെ ഓട്ടോറിക്ഷ ഓടിച്ചാണ് ഡ്രൈവര്‍ അഞ്ചാം നിലവരെ എത്തിയത്. വളരെ പ്രയാസപ്പെട്ട് ഓട്ടോറിക്ഷ ആശുപത്രിയുടെ അകത്തേയ്ക്ക് കയറ്റാന്‍ ശ്രമിക്കുന്നതും ആശുപത്രിയിലുണ്ടായിരുന്നവര്‍ ഓട്ടോ വരുന്നത് കണ്ട് മാറിനില്‍ക്കുന്നതുമെല്ലാം വീഡിയോയില്‍ വ്യക്തമായി കാണാം. ഓട്ടോ അകത്തേയ്ക്ക് കടത്തിവിടാന്‍ ആരാണ് അനുവാദം നല്‍കിയതെന്ന് സന്ദര്‍ശകര്‍ ചോദിക്കുന്നുണ്ട്. സംഭവത്തെക്കുറിച്ച് അന്വേഷണം നടക്കുകയാണെന്ന് ആശുപത്രി അധികൃതര്‍ അറിയിച്ചു.