മൂവാറ്റുപുഴ: സംസ്ഥാന നേതാവിെന്‍റ നേതൃത്വത്തില്‍ സി.പി.എം യോഗം. നിയമസഭ തെരഞ്ഞെടുപ്പുഫലം വിശകലനം ചെയ്യാനാണ് യോഗം ചേർന്നത്. പങ്കെടുത്തവരില്‍ പലര്‍ക്കും പിന്നീട് േകാവിഡ് സ്ഥിരീകരിച്ചു. ഇതോടെ വിവാദത്തിലായിരിക്കുകയാണ് യോഗം.
കഴിഞ്ഞ 30 ന് മൂവാറ്റുപുഴ ഏരിയ കമ്മിറ്റി ഓഫിസില്‍ സംസ്ഥാന നേതാവിെന്‍റ സാന്നിധ്യത്തില്‍ യോഗം ചേര്‍ന്നത്. ഇതിൽ പങ്കെടുത്തവരില്‍ ഏഴുപേര്‍ക്ക് കോവിഡ് സ്ഥിരീകരിച്ചു. രാവിലെ ആരംഭിച്ച യോഗം വൈകീട്ട് നാലോടെയാണ് അവസാനിച്ചത്.
മൂവാറ്റുപുഴ ഏരിയ കമ്മിറ്റി മുന്‍ സെക്രട്ടറി അടക്കമുള്ളവര്‍ക്കാണ് കോവിഡ് സ്ഥിരീകരിച്ചത്. ഇവരില്‍ ചിലര്‍ ആശുപത്രികളില്‍ ചികിത്സയിലുമാണ്. കോവിഡ് ബാധിച്ച ഏരിയ കമ്മിറ്റി അംഗം ഏരിയ കമ്മിറ്റി ഓഫിസ് കെട്ടിടത്തില്‍ ക്വാറന്‍റീനില്‍ കഴിഞ്ഞിരുന്നു. ഇതാണ് കോവിഡ് വ്യാപനത്തിനു കാരണമായതെന്നാണ് ആരോപണം ഉയര്‍ന്നിരിക്കുന്നത്.
Post Your Comments