അവനി ലേഖാരയ്ക്ക് വെങ്കലം : ഒരു പാരലിമ്പിക്​സിൽ രണ്ട്​ മെഡൽ നേടുന്ന ആദ്യ ഇന്ത്യൻ താരം

ടോക്യോ : പാരലിമ്പിക്​സിൽ ചരിത്രം കുറിച്ച് ഇന്ത്യയുടെ അവനി ലേഖാര. ഒരു പാരലിമ്പിക്​സിൽ രണ്ട്​ മെഡൽ നേടുന്ന ആദ്യ ഇന്ത്യൻ താരമായി ലേഖാര. വനിതകളുടെ 50 മീ. റൈഫിൾ 3 പൊസിഷൻസിൽ (എസ്​.എച്ച്​1) അവനി വെങ്കല മെഡൽ സ്വന്തമാക്കി.

Read Also : പാഞ്ച്ഷിർ ആക്രമിച്ച 350 താലിബാൻ ഭീകരരെ കൊലപ്പെടുത്തിയെന്ന് വടക്കൻ സഖ്യം 

നേരത്തെ പാരലിമ്പിക്​സിൽ സ്വർണം നേടുന്ന ആദ്യ ഇന്ത്യൻ വനിതയെന്ന ചരിത്ര നേട്ടം അവനി സ്വന്തമാക്കിയിരുന്നു. വനിതകളുടെ 10 മീ. എയർ റൈഫിൾ സ്റ്റാൻഡിങ്​ (എസ്​.എച്ച്​ 1) ഇനത്തിലായിരുന്നു അവനിയുടെ സുവർണനേട്ടം. ടോക്യോ പാരലിമ്പിക്​സിലെ ഇന്ത്യയുടെ 12ാം മെഡൽ നേട്ടമാണിത്​. രണ്ട്​ സ്വർണം, ആറ്​ വെള്ളി, നാല്​​ വെങ്കലം എന്നിവയാണ് ​ ടോക്യോ പാരലിമ്പിക്​സിലെ ഇന്ത്യയുടെ ഇതുവരെയുള്ള സമ്പാദ്യം.

1984 പാരാലിമ്പിക്സിൽ ജോഗീന്ദർ സിംഗ് സോധി ഒന്നിലധികം മെഡലുകൾ നേടിയിരുന്നു. ഒരു വെള്ളിയും രണ്ട് വെങ്കലവും സോധി സ്വന്തമാക്കിയിരുന്നു.