അബുദാബി : ഏറ്റവും പുതിയ സാങ്കേതികവിദ്യകൾ ഉപയോഗിക്കുന്ന യു എ ഇയുടെ തുരയ 4-എൻജിഎസ് എന്ന ഉപഗ്രഹം സ്പേസ്എക്സ് വിക്ഷേപിക്കും. ഉപഗ്രഹം വിക്ഷേപിക്കാൻ സ്പേസ് എക്സിന്റെ ഫാൽക്കൺ 9 തിരഞ്ഞെടുത്തതായി യുഎഇയിലെ മുൻനിര ഉപഗ്രഹ ദാതാക്കളായ അൽ യാഹ് സാറ്റലൈറ്റ് കമ്മ്യൂണിക്കേഷൻസ് കമ്പനി (യഹ്സാറ്റ്) ബുധനാഴ്ച, പ്രഖ്യാപിച്ചു.
ഉയർന്ന വിശ്വാസ്യതയും വിപുലമായ കഴിവുകളും കാരണമാണ് സ്പേസ് എക്സിന്റെ ഫാൽക്കൺ 9 തിരഞ്ഞെടുത്തതെന്ന് പ്രസ്താവനയിൽ പറയുന്നു. 2023-ന്റെ രണ്ടാം പകുതിയിൽ തുറയ 4-എൻജിഎസ് വിക്ഷേപിക്കും.
“സ്പേസ് എക്സ് പോലുള്ള ആഗോള കമ്പനിയുമായി സഹകരിച്ച് യുഎഇ ബഹിരാകാശ വ്യവസായത്തിലെ ഒരു പ്രധാന ഘടകമായി മാറും” , യഹസാത്തിലെ ഗ്രൂപ്പ് ചീഫ് എക്സിക്യൂട്ടീവ് ഓഫീസർ അലി അൽ ഹാഷെമി പറഞ്ഞു.
സ്പെയ്സ്എക്സ് ബഹിരാകാശ സാങ്കേതികവിദ്യയുടെ നിർമ്മാണത്തിലും വിക്ഷേപണത്തിലും മുൻപന്തിയിലാണ്. ഇതുവരെ സ്പേസ് എക്സ് 128 വിക്ഷേപണങ്ങൾ വിജയകരമായി പൂർത്തിയാക്കിയിട്ടുണ്ട്..
Post Your Comments