Latest NewsIndia

യോഗിയെ മലർത്തിയടിക്കാൻ കോൺഗ്രസ് : യുപിയിൽ പ്രിയങ്കയുടെ നേതൃത്വത്തില്‍ തെരഞ്ഞെടുപ്പ്​ നേരിടുമെന്ന് ​സല്‍മാന്‍ ഖുര്‍ഷിദ്

'മുഖ്യമന്ത്രി സ്ഥാനാർത്ഥിയെ തീരുമാനിച്ചില്ല '

ആഗ്ര: ഉത്തര്‍പ്രദേശ്​ നിയമസഭ തെരഞ്ഞെടുപ്പില്‍ കോണ്‍ഗ്രസ്​ ജനറല്‍ സെക്രട്ടറി പ്രിയങ്ക ഗാന്ധിയുടെ നേതൃത്വത്തിലാകും മത്സരമെന്ന്​ കോണ്‍ഗ്രസ്​ നേതാവും മുന്‍ കേന്ദ്രമന്ത്രിയുമായ സല്‍മാന്‍ ഖുര്‍ഷിദ്​. സംസ്​ഥാനത്ത്​ ഇതുവരെ ഒരു പാര്‍ട്ടിയുമായി സഖ്യം രൂപപ്പെടുത്തിയിട്ടില്ലെന്ന്​ അറിയിച്ച അദ്ദേഹം സഖ്യം ഹൃദയത്തില്‍നിന്ന്​ വേണമെന്നും ആരെങ്കിലും തങ്ങളുടെ പാര്‍ട്ടിയില്‍ ചേരാന്‍ ആഗ്രഹിക്കുന്നുവെങ്കില്‍ അവരെ സ്വാഗതം ചെയ്യുന്നുവെന്നും പറഞ്ഞു.

അടുത്ത വര്‍ഷം ആദ്യത്തോടെയാകും യു.പി നിയമസഭ തെരഞ്ഞെടുപ്പ്​. 2017ലെ നിയമസഭ തെരഞ്ഞെടുപ്പില്‍ 403ല്‍ 312 സീറ്റുകള്‍ നേടി ബി.ജെ.പി ഭരണം പിടിച്ചിരുന്നു. സമാജ്​വാദി പാര്‍ട്ടിക്ക്​ 47 സീറ്റുകളും ബി.എസ്​.പിക്ക്​ 19 സീറ്റുകളും ലഭിച്ചു. കോണ്‍ഗ്രസിന്​ ഏഴുസീറ്റുകള്‍ മാത്രമാണ്​ ലഭിച്ചത്​.

യു.പിയിലെ മുഖ്യമന്ത്രി സ്​ഥാനാര്‍ഥിയെക്കുറിച്ച്‌​ ചോദിച്ചപ്പോള്‍ ‘വരുന്ന നിയമസഭ തെരഞ്ഞെടുപ്പ്​ ​പ്രിയങ്ക ഗാന്ധിയുടെ നേതൃത്വത്തില്‍ പോരാടും. ഞങ്ങളുടെ വിജയത്തിനായി അവര്‍ കഠിനമായി പോരാടുന്നു. അതിനാല്‍ തന്നെ, അവര്‍ പിന്നീട്​ മുഖ്യമന്ത്രി മുഖം വെളിപ്പെടുത്തും’ -സല്‍മാന്‍ ഖുര്‍ഷിദ്​ പറഞ്ഞു.

സാധാരണക്കാരുമായി സംവദിച്ച ശേഷമാണ്​ കോണ്‍ഗ്രസ്​ പ്രകടന പത്രിക തയാറാക്കുന്നതെന്നും അദ്ദേഹം പറഞ്ഞു.. ‘ഞങ്ങള്‍ സാധാരണക്കാരോട്​ സംവദിച്ചു. അത്​ തയാറാക്കുന്നതിനായി പ്രത്യേക തന്ത്രം രൂപപ്പെടുത്തി. ഈ പ്രകടനപത്രിക സാധാരണക്കാരുടെ ശബ്​ദമാകും. കര്‍ഷകര്‍ക്കും സ്ത്രീ സുരക്ഷക്കുമാണ്​ ഇതില്‍ പ്രധാന്യം. തിങ്കളാഴ്ച ആഗ്രയിലെ ജനങ്ങളുമായി സംവദിക്കും, അവരുടെ ആവശ്യ​ങ്ങള്‍ ചോദിച്ചറിയും’ -അദ്ദേഹം പറഞ്ഞു.

‘ആരോഗ്യ മേഖലക്കും പ്രകടന പത്രികയില്‍ പ്രധാന്യം നല്‍കും. കോവിഡ്​ മഹാമാരി സമയത്ത്​ രാജ്യത്തിന്‍റെ ആരോഗ്യ മേഖല എത്ര ദുര്‍ബലമാണെന്ന്​ നമ്മള്‍ മനസിലാക്കി. അതിനാല്‍ ആരോഗ്യമേഖലയെയും അതിനൊപ്പം വിദ്യാഭ്യാസ മേഖലയെയും ശക്തിപ്പെടുത്തണം’ -​അദ്ദേഹം കൂട്ടിച്ചേര്‍ത്തു. ​

 

shortlink

Related Articles

Post Your Comments


Back to top button